រដ្ឋសភាកម្ពុជា បានប្រកាសថា មិនទទួលស្គាល់បណ្តុំសមាជិកសភាជាលក្ខណអន្តរជាតិមួយ ដែលមានឈ្មោះថា សមាជិកសភាអាស៊ាន ទទួលបន្ទុកសិទ្ធិមនុស្ស (Asean Parliamentarians for Human Rights)
រដ្ឋសភាកម្ពុជា បានប្រកាសថា មិនទទួលស្គាល់បណ្តុំសមាជិកសភាជាលក្ខណអន្តរជាតិមួយ ដែលមានឈ្មោះថា សមាជិកសភាអាស៊ាន ទទួលបន្ទុកសិទ្ធិមនុស្ស (Asean Parliamentarians for Human Rights) ។
តាមរយៈសេចក្តីប្រកាសព័ត៌មាន រដ្ឋសភាកម្ពុជា អះអាងថា កន្លងមក សមាជិកសភាអាស៊ាន ទទួលបន្ទុកសិទ្ធិមនុស្ស បានចេញសេចក្តីថ្លែងការណ៍ ដែលមានលក្ខណជ្រៀតជ្រែកចូលផ្ទៃក្នុងនៃប្រទេសជាសមាជិកអាស៊ានមួយចំនួន ដោយល្មើសនឹងគោលការណ៍ចម្បងរបស់អាស៊ាន។ សេចក្តីប្រកាសព័ត៌មានរបស់រដ្ឋសភាកម្ពុជា សង្កត់ធ្ងន់យ៉ាងដូច្នេះថា៖«គេ ហៅសមាជិកសភាអាស៊ាន ទទួលបន្ទុកសិទ្ធិមនុស្ស គ្រាន់តែជាការរៀបចំរបស់មនុស្សមួយក្រុមតូច ដែលឆ្លៀតប្រើឈ្មោះសភាអាស៊ាន ដោយខុសច្បាប់តែប៉ុណ្ណោះ។ សូមសាធារណជន កុំមានការភាន់ច្រឡំ»។
ប្រភព៖សារព័ត៌មានថ្មីៗ
