តុលាការកំពូលកំពុងពិនិត្យមើលពាក្យបណ្តឹងរបស់ក្រុមមេធាវីក្រសួងមហាផ្ទៃដែលប្តឹងសុំឲ្យរំលាយគណបក្សប្រឆាំងដ៏ធំរបស់កម្ពុជា និងសំណើរបស់គណបក្សចំនួន ២
តុលាការកំពូលកំពុងពិនិត្យមើលពាក្យបណ្តឹងរបស់ក្រុមមេធាវីក្រសួងមហាផ្ទៃដែលប្តឹងសុំឲ្យរំលាយគណបក្សប្រឆាំងដ៏ធំរបស់កម្ពុជា និងសំណើរបស់គណបក្សចំនួន ២ ដែលពុំមានអាសនៈនៅក្នុងរដ្ឋសភា ហើយបើតាមមន្ត្រី គ.ជ.ប ប្រសិនបើគណបក្សសង្គ្រោះជាតិត្រូវបានរំលាយអាសនៈសភាចំនួន ៥៥ និងអាសនៈក្រុមប្រឹក្សាឃុំ សង្កាត់ ជាង ៥០០០ របស់គណបក្សប្រឆាំងដែលមានប្រជាពលរដ្ឋស្ទើរពាក់កណ្តាលប្រទេសបោះឆ្នោតគាំទ្រនឹងត្រូវបែងចែកទៅឲ្យបក្សផ្សេង។
ការប្តឹងឲ្យរំលាយគណបក្សសង្គ្រោះជាតិនេះគឺបានធ្វើឡើងបន្ទាប់ពីមេដឹកនាំគណបក្សសង្គ្រោះជាតិលោក កឹម សុខា ត្រូវបានចោទប្រកាន់ពីបទក្បត់ជាតិបន្ទាប់ពីលោកត្រូវបានចាប់ខ្លួនកាលពីថ្ងៃទី ៣ ខែកញ្ញាពាក់ព័ន្ធនឹងវីដេអូមួយកាលពីឆ្នាំ ២០១៣ ដែលត្រូវបានចែកចាយតាមប្រព័ន្ធផ្សព្វផ្សាយសង្គមដែលនៅក្នុងវីដេអូនេះលោក សុខា បានថ្លែងក្នុងវេទិកាមួយនៅអូស្ត្រាលីថាលោកទទួលបានការណែនាំ និងជំនួយពីអាមេរិកសម្រាប់អាជីពនយោបាយរបស់លោក។
ប្រភព៖ភ្នំពេញប៉ុស្ដិ៍
