ខណៈគណៈកម្មការជំនាញរដ្ឋសភាកំពុងធ្វើការពិភាក្សាលើសំណើវិសោធនកម្មច្បាប់បោះឆ្នោត ដែលស្នើឡើងដោយក្រុមតំណាងរាស្ត្ររបស់គណបក្សប្រជាជន
ខណៈគណៈកម្មការជំនាញរដ្ឋសភាកំពុងធ្វើការពិភាក្សាលើសំណើវិសោធនកម្មច្បាប់បោះឆ្នោត ដែលស្នើឡើងដោយក្រុមតំណាងរាស្ត្ររបស់គណបក្សប្រជាជន ដើម្បីយកអាសនៈចំនួន ៥៥ របស់គណបក្សសង្គ្រោះជាតិទៅបែងចែកឲ្យគណបក្សផ្សេងដែលពុំមានអាសនៈនៅក្នុងរដ្ឋសភា តែមានគណបក្សចំនួន ២ បានបដិសេធទទួលយកអាសនៈនេះដោយថ្លែងថាវាជារឿង «អយុត្តិធម៌អត់ត្រឹមត្រូវតាមឆន្ទៈរបស់ប្រជាពលរដ្ឋ» «គ្មានន័យ» ដែលយកអាសនៈស្របច្បាប់របស់គណបក្សមួយមកចែកគ្នាបែបនេះ។លោក ស៊ិន វណ្ណារិទ្ធ អគ្គលេខាធិការគណបក្សខ្មែរឈប់ក្រ (KAPP) ថ្លែងកាលពីម្សិលមិញថាគណបក្សរបស់លោកនឹងធ្វើពហិការ កៅអីតំណាងរាស្ត្រ របស់គណបក្សសង្គ្រោះជាតិដែលគេបែងចែកឲ្យ ប្រសិនបើគណបក្សប្រឆាំងមួយនេះត្រូវបានគេរំលាយមែននោះ។ជាមួយគ្នានេះលោក សុខ សាន សមាជិកគណៈកម្មាធិការអចិន្រៃ្តយ៍ LDP ក៏បានបង្ហាញជំហរជំទាស់ទៅនឹងសេណារីយោបែងចែកអាសនៈសភារបស់គណបក្សសង្គ្រោះជាតិនេះផងដែរដោយហៅការទទួលយកអាសនៈទាំងនោះថា «គ្មានន័យ»។
ប្រភព៖ភ្នំពេញប៉ុស្ដិ៍
