សេចក្តីស្នើច្បាប់ថ្មី បានកំណត់ថា បើគណបក្សមួយ ត្រូវបានរំលាយ អាសនៈក្នុងរដ្ឋសភារបស់គណបក្សនោះ ត្រូវចែកទៅឲ្យគណបក្សផ្សេង
សេចក្តីស្នើច្បាប់ថ្មី បានកំណត់ថា បើគណបក្សមួយ ត្រូវបានរំលាយ អាសនៈក្នុងរដ្ឋសភារបស់គណបក្សនោះ ត្រូវចែកទៅឲ្យគណបក្សផ្សេង។ មន្ត្រីជាន់ខ្ពស់មួយចំនួននៃគណបក្សសង្គ្រោះជាតិ រិះគន់ថា សេចក្តីស្នើច្បាប់ខាងលើ គឺជាការបង្វែរឆន្ទៈប្រជាពលរដ្ឋ។ ប៉ុន្តែអ្នកនាំពាក្យគណបក្សប្រជាជនកម្ពុជា បានថ្លែងការពារសេចក្តីស្នើច្បាប់នេះ ហើយឆ្លើយតបថា មេដឹកនាំ ក៏ដូចជាគណបក្សសង្គ្រោះជាតិវិញទេ ដែលក្បត់ឆន្ទៈប្រជាពលរដ្ឋ។បើប្រជាពលរដ្ឋ មិនបោះឆ្នោតឲ្យ ឬបោះឲ្យដែរ តែមិនគ្រប់ចំនួនតាមការកំណត់របស់ច្បាប់ គណបក្សនយោបាយណាក៏ដោយ មិនអាចទទួលបានអាសនៈក្នុងរដ្ឋសភាឡើយ។ គោលការណ៍នេះ ត្រូវបានអនុវត្តក្នុងប្រទេសកម្ពុជា ចាប់តាំងពីការបោះឆ្នោតជ្រើសតាំងតំណាងរាស្ត្រ នាអាណត្តិទី១មកម្ល៉េះ រហូតមកដល់អាណត្តិទី៥នេះ។
ប្រភព៖សារព័ត៌មានថ្មីៗ
