ក្រុមប្រឹក្សាឃុំស្ទឹងកាច់នៅខេត្តប៉ៃលិន មកពីគណបក្សសង្គ្រោះជាតិត្រូវបានបញ្ជូនទៅសាលាដំបូងខេត្តកាលពីម្សិលមិញ
ក្រុមប្រឹក្សាឃុំស្ទឹងកាច់នៅខេត្តប៉ៃលិន មកពីគណបក្សសង្គ្រោះជាតិត្រូវបានបញ្ជូនទៅសាលាដំបូងខេត្តកាលពីម្សិលមិញ បន្ទាប់ពីនគរបាលនាំខ្លួនកាលពីថ្ងៃអង្គារពីរឿងបង្ហោះវីដេអូថាមិនចូលជាមួយគណបក្សប្រជាជនជាការនាំខ្លួនដែលសាក្សីថា គ្មានដីកា។លោក ពេជ្រ បូរិន មេឃុំស្ទឹងកាច់មកពីគណបក្សសង្គ្រោះជាតិបានថ្លែងថា៖ «លោក ឈុន សិទ្ធី បានចុចទូរស័ព្ទហៅខ្ញុំប្រហែលក្នុងនាមខ្ញុំជាមេឃុំ គាត់ចង់ឲ្យជួយដោះស្រាយ គាត់ថាតើគាត់មានកំហុសអី?។ ពេលខ្ញុំទៅដល់ឃើញ ឈុន សិទ្ធី និងប៉ូលិសត្រៀបត្រាអ៊ីចឹងទៅ ខ្ញុំដឹងថាវារឿងហើយ។ ខ្ញុំសួរប៉ូលិសថាមានរឿងអី។ ប៉ូលិសថា អញ្ជើញគាត់ទៅស្នងការដ្ឋាន។ ខ្ញុំសួររកដីកា ប៉ូលិសថាអត់មានទេ គាត់ទទួលបញ្ជាព្រះរាជអាជ្ញា...»។
ប្រភព៖ភ្នំពេញប៉ុស្ដិ៍
