លោក ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជាបានថ្លែងនៅក្នុង...
លោក ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជាបានថ្លែងនៅក្នុងកិច្ចប្រជុំកំពូលលើកទី ៥ ដើម្បីរំឭកខួបអនុស្សាវរីយ៍លើកទី ៤០ នៃទំនាក់ទំនងកិច្ចសន្ទនាអាស៊ាន-សហរដ្ឋអាមេរិកកាលពីម្សិលមិញនៅទីក្រុងម៉ានីល សាធារណរដ្ឋហ្វីលីពីនបានរិះគន់ខ្លាំងៗដល់ស្ថានទូតអាមេរិកនៅទីក្រុងភ្នំពេញថាមិនបានអនុវត្តតាមគោលនយោបាយថ្មីរបស់ប្រធានាធិបតីសហរដ្ឋអាមេរិកលោក ដូណាល់ ត្រាំ ដោយបានជ្រៀតជ្រែកកិច្ចការផ្ទៃក្នុងអ្នកដទៃ។លោក ហ៊ុន សែន ថ្លែងថា៖ «យើងខ្ញុំជាជនរងគ្រោះម្តងហើយម្តងទៀត។ ឥឡូវកំពុងត្រូវបន្តក្លាយជាជនរងគ្រោះដោយសារតែសកម្មភាពរបស់អ្នកខាងក្រោម ដែលដើរខុសពីបន្ទាត់នយោបាយរបស់ឯកឧត្តម (ដូណាល់ ត្រាំ) នយោបាយរបស់ឯកឧត្តមកំពុងតែធ្វើការកែប្រែ ប៉ុន្តែស្ថានទូត [អាមេរិក] នៅទីក្រុងភ្នំពេញមិនទាន់បានធ្វើការកែប្រែទេ។
ប្រភព៖ភ្នំពេញប៉ុស្ដ៍
