ចៅក្រមតុលាការកំពូលនៅល្ងាចនេះបានសម្រេចរំលាយគណបក្សសង្គ្រោះជាតិ
ចៅក្រមតុលាការកំពូលនៅល្ងាចនេះបានសម្រេចរំលាយគណបក្សសង្គ្រោះជាតិ បន្ទាប់ពីការបើកសវនាការពេញមួយថ្ងៃហើយបញ្ជាក់ថា គណបក្សសង្គ្រោះជាតិពិតជាមានកំហុសដូចខ្លឹមសារនៃបណ្តឹងរបស់ក្រសួងមហាផ្ទៃប្រាកដមែន។
ចៅក្រមតុលាការកំពូលដែលជំនុំជម្រះរឿងក្តីនេះមានចំនួន៩រូប ហើយបន្ទាប់ពីសវនាការ លោក ឌិត មន្ទី ជាប្រធានក្រុមប្រឹក្សានៃអង្គជំនុំជម្រះ បានប្រកាសសម្រេចរំលាយគណបក្សសង្គ្រោះជាតិ ដោយអះអាងថា ភស្តុតាងរបស់ក្រសួងមហាផ្ទៃមានខ្លឹមសារគ្រប់គ្រាន់។គណបក្សសង្គ្រោះជាតិមិនបានដាក់ភស្តុតាងនិងមេធាវី ដើម្បីចូលរួមតតាំងក្តីនេះ ដោយចោទថាជារឿងនយោបាយចាំដោះស្រាយតាមផ្លូវនយោបាយ៕
ប្រភព៖VOD
