លោក រ៉ុង ឈុន សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់ថា លោកនឹងដាក់ពាក្យលាលែងពី គ.ជ.ប នៅពេលដែលឃើញសាលដីការបស់តុលាការកំពូលស្តីពីការរំលាយគណបក្សសង្គ្រោះជាតិ
លោក រ៉ុង ឈុន សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់សារព័ត៌មានថ្មីៗនៅព្រឹកថ្ងៃសុក្រនេះថា លោកនឹងដាក់ពាក្យលាលែងពី គ.ជ.ប នៅពេលដែលឃើញសាលដីការបស់តុលាការកំពូលស្តីពីការរំលាយគណបក្សសង្គ្រោះជាតិ។មុនចូលទៅរថយន្តរបស់ខ្លួន អតីតប្រធានសមាគមគ្រូបង្រៀនឯករាជ្យកម្ពុជារូបនេះ បានបញ្ជាក់ថា លោករក្សាជំហរតាំងពីដើមមក ដោយចង់ឃើញវត្តមានបក្សប្រឆាំងក្នុងការបោះឆ្នោត។ លោក រ៉ុង ឈុន គឺជាសមាជិកម្នាក់របស់គ.ជ.ប ដែលត្រូវបានស្នើដោយ CNRP ៕
ប្រភព៖សារព័ត៌មានថ្មីៗ
