លោក ហ៊ីង ធីឬទ្ធិ ជាសមាជិក គជប កូតាគណបក្សសង្រ្គោះជាតិ បានបញ្ជាក់ថាលោកមិនលាលែងពីតំណែងនោះទេ
លោក ហ៊ីង ធីឬទ្ធិ ជាសមាជិក គជប កូតាគណបក្សសង្រ្គោះជាតិ បានបញ្ជាក់ថាលោកមិនលាលែងពីតំណែងនោះទេដោយថា តួនាទីរបស់លោកត្រូវបានជ្រើសរើសដោយរដ្ឋសភា។ នេះបើតាមលិខិតមួយដែលផ្សព្វផ្សាយនៅលើទំព័រហ្វេសប៊ុករបស់លោកម្សិលមិញ។ក្នុងលិខិតដដែល លោក ហ៊ីង ធីឬទ្ធិ បញ្ជាក់ថា“ខ្ញុំនៅរក្សាជំហរបន្តការងារក្នុង គជប តទៅទៀតដើម្បីការពារផលប្រយោជន៍របស់ គណបក្សនយោបាយទាំងអស់ដែលចូលរួមការបោះឆ្នោត រហូតដល់ចប់អាណត្តិ”។ការបញ្ជាក់របស់ លោក ហ៊ីង ធីឬទ្ធិ គឺធ្វើឡើងបន្ទាប់ពីមានពាក្យចចាមអារ៉ាមថា លោកលាលែងពីគជប ក្រោយពីគណបក្សសង្រ្គោះជាតិត្រូវរំលាយ។
ប្រភព៖RFI
