គណបក្សកាន់អំណាច បានបដិសេធទៅនឹងសេចក្ដីថ្លែងការណ៍របស់អតីតបក្សសង្គ្រោះជាតិ ដែលបានចោទថា បក្សកាន់អំណាចបានឃុបឃិតគ្នាជាមួយនឹងស្ថាប័នរៀបចំការបោះឆ្នោត «ប្លន់ឆន្ទៈប្រជាពលរដ្ឋខ្មែរ
គណបក្សកាន់អំណាច បានបដិសេធទៅនឹងសេចក្ដីថ្លែងការណ៍របស់អតីតបក្សសង្គ្រោះជាតិ ដែលបានចោទថា បក្សកាន់អំណាចបានឃុបឃិតគ្នាជាមួយនឹងស្ថាប័នរៀបចំការបោះឆ្នោត «ប្លន់ឆន្ទៈប្រជាពលរដ្ឋខ្មែរ»។កាលពីថ្ងៃទី២៤ ខែវិច្ឆិកា ក្រុមមេដឹកនាំអតីតគណបក្សសង្គ្រោះជាតិដែលកំពុងរស់នៅនិរទេសខ្លួននៅឯក្រៅប្រទេស បានចេញសេចក្ដីថ្លែងការណ៍មួយថ្កោលទោស គ.ជ.ប. ដែលបានបែងចែកអាសនៈរបស់បក្សមួយនេះ ទៅឲ្យគណបក្សដទៃទៀត ដោយចោទ គ.ជ.ប.ថា បានរំលោភរដ្ឋធម្មនុញ្ញ និងធ្វើផ្ទុយពីគោលការណ៍ប្រជាធិបតេយ្យ។ជាមួយគ្នានោះ ក្រុមមេដឹកនាំបក្សប្រឆាំងក៏បានចោទ គ.ជ.ប. ថា បានសមគំនិតជាមួយគណបក្សប្រជាជនកម្ពុជាដែលកំពុងកាន់អំណាច និងតុលាការកំពូល «ប្លន់ឆន្ទៈប្រជាពលរដ្ឋខ្មែរ»។
ប្រភព៖VOD
