សមាសភាពគណៈកម្មាធិការជាតិរៀបចំការបោះឆ្នោតថ្មី (គជប) ចំនួន២រូប កំពុងស្ថិតនៅក្នុងដៃរបស់រដ្ឋសភា
សមាសភាពគណៈកម្មាធិការជាតិរៀបចំការបោះឆ្នោតថ្មី (គជប) ចំនួន២រូប កំពុងស្ថិតនៅក្នុងដៃរបស់រដ្ឋសភា ដែលត្រៀមរៀបចំបោះឆ្នោតគាំទ្រជាផ្លូវការ ដើម្បីឲ្យពួកគេចូលមកជំនួសតួនាទីមន្ត្រីគ.ជ.បចាស់៣នាក់ លាលែងពីតំណែងកន្លងមក។អ្នកនាំពាក្យរដ្ឋសភាលោក ឡេង ប៉េងឡុង បាននិយាយថា បេក្ខភាពគជបថ្មី ដែលត្រៀមចូលកាន់តំណែងនោះ គឺលោក នុត សុខុម មកពីគណបក្សហ្វ៊ុនប៉ិច និងលោក អ៊ែល សារ៉ាត់ មកពីគណបក្សសញ្ជាតិកម្ពុជា។ ចំណែកសមាសភាពម្នាក់ទៀត លោក ឡេង ប៉េងឡុង មិនទាន់អាចបញ្ជាក់បាននោះទេ។ ថ្លែងប្រាប់សារព័ត៌មានថ្មីៗ លោក ឡេង ប៉េងឡុង បានបញ្ជាក់ថា៖«រដ្ឋសភាកំពុងរៀបចំដំណើការប្រជុំ ដើម្បីគាំទ្រឲ្យពួកគេក្លាយជាសមាជិកគ.ជ.ប»។
ប្រភព៖សារព័ត៌មានថ្មីៗ
