បញ្ហាវិបត្តិជនភៀសខ្លួនរ៉ូហ៊ីនយ៉ា នៅប្រទេសមីយ៉ាន់ម៉ា និងបង់ក្លាដេស បានក្លាយជាប្រធានបទក្ដៅមួយក្នុងជំនួបពិភាក្សាទ្វេភាគីរវាង...
បញ្ហាវិបត្តិជនភៀសខ្លួនរ៉ូហ៊ីនយ៉ា នៅប្រទេសមីយ៉ាន់ម៉ា និងបង់ក្លាដេស បានក្លាយជាប្រធានបទក្ដៅមួយក្នុងជំនួបពិភាក្សាទ្វេភាគីរវាងនាយករដ្ឋមន្ត្រីបង់ក្លាដេស អ្នកស្រី សេក្ខ ហាស៊ីណា (Sheikh Hasina) និងលោកនាយករដ្ឋមន្ត្រី ហ៊ុន សែន ក្នុងអំឡុងពេលទស្សនកិច្ចផ្លូវការរបស់អ្នកស្រីមកកាន់ប្រទេសកម្ពុជា ពីថ្ងៃទី៣ ដល់ថ្ងៃទី៥ ខែធ្នូ។ថ្លែងក្នុងសន្និសីទសារព័ត៌មានមួយធ្វើឡើងក្រោយជំនួបពិភាក្សាទ្វេភាគីនេះ លោក ហ៊ុន សែន ប្រកាសថា លោក និងនាយករដ្ឋមន្ត្រីបង់ក្លាដេស អ្នកស្រី សេក្ខ ហាស៊ីណា បានពិភាក្សាអំពីបញ្ហាវិបត្តិជនភៀសខ្លួនរ៉ូហ៊ីនយ៉ា ដែលលោកថា ជាបន្ទុកដ៏ធ្ងន់ធ្ងររបស់ប្រទេសបង់ក្លាដេស។ លោក ហ៊ុន សែន ថ្លែងថា កម្ពុជាវាយតម្លៃខ្ពស់ចំពោះប្រទេសបង់ក្លាដេស ដែលបើទោះបីជាមានប្រជាជនសរុបរហូតដល់ទៅ ១៦០លាននាក់ ក៏ប្រទេសនេះសុខចិត្តទទួលបន្ទុកចិញ្ចឹមជនភៀសខ្លួនរ៉ូហ៊ីនយ៉ារបស់ប្រទេសមីយ៉ាន់ម៉ា ប្រមាណជាង ១លាននាក់បន្ថែមទៀត។
ប្រភព៖RFA
.jpg)