អតីតសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) លោក រ៉ុង ឈុន គ្រោងបង្ហាញវត្តមាននៅមុខពន្ធនាគារត្រពាំងផ្លុង
អតីតសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) លោក រ៉ុង ឈុន គ្រោងបង្ហាញវត្តមាននៅមុខពន្ធនាគារត្រពាំងផ្លុង នៅចុងសប្ដាហ៍នេះ បើទោះជាចៅក្រមស៊ើបសួរសាលាដំបូងរាជធានីភ្នំពេញ បានសម្រេចទាត់ចោលបណ្ដឹងសុំជួបសុខទុក្ខលោក កឹម សុខា ក៏ដោយ។ អ្នកច្បាប់លើកឡើងថា ការសម្រេចរបស់ចៅក្រមស៊ើបសួរ ធ្វើឡើងពុំត្រឹមត្រូវឡើយ។លោក រ៉ុង ឈុន មានគម្រោងទៅឈរនៅមុខក្លោងទ្វាពន្ធនាគារត្រពាំងផ្លុង នៅថ្ងៃទី១០ ធ្នូ។ លោកបន្តថា មូលហេតុដែលលោកចង់ជួបលោក កឹម សុខា គឺដើម្បីសួរសុខទុក្ខ នឹងលើកទឹកចិត្តលោក កឹម សុខា តែប៉ុណ្ណោះ៖ «»។លោក រ៉ុង ឈុន បញ្ជាក់ថា មូលហេតុដែលតុលាការមិនអនុញ្ញាតឱ្យលោកចូលជួបលោក កឹម សុខា ដោយសារតែតុលាការបានលើកមូលហេតុថា រឿងក្ដីនេះកំពុងបន្តការស៊ើបសួរ ហើយមានតែក្រុមគ្រួសារ នឹងមេធាវីលោក កឹម សុខា ប៉ុណ្ណោះ ទើបអាចជួបចូលជួបលោក កឹម សុខា បាន។
ប្រភព៖RFA
