គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចបង្កើតក្រុមការងារប្រតិកម្មព័ត៌មានមួយ ដើម្បីប្រមូលព័ត៌មានទាក់ទងនឹងការបោះឆ្នោត
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចបង្កើតក្រុមការងារប្រតិកម្មព័ត៌មានមួយ ដើម្បីប្រមូលព័ត៌មានទាក់ទងនឹងការបោះឆ្នោត វិភាគព័ត៌មានអវិជ្ជមាន និង បំភ្លឺលើព័ត៌មានអវិជ្ជមាន ដែលប៉ះពាល់ដល់កិត្តិយសរបស់ស្ថានប័ននេះ ខណៈពេលមានការរិះគន់អំពីឯករាជ្យភាព សម្រាប់ការរៀបចំការបោះឆ្នោតនាពេលខាងមុខ។
ក្នុងសេចក្តីសម្រេចចុះថ្ងៃទី៤ ខែធ្នូ ឆ្នាំ ២០១៧ គ.ជ.ប បានសរសេរថា ក្រុមនេះស្ថិតនៅក្រោមការណែនាំ និងបញ្ជាផ្ទាល់ពីប្រធាន គ.ជ.ប គឺលោក ស៊ិក ប៊ុនហុក ដែលត្រូវប្រមូលព័ត៌មានដែលផ្សព្វផ្សាយតាមសារព័ត៌មានជាសាធារណៈ ដើម្បីធ្វើការវិភាគនូវព័ត៌មានអវិជ្ជមានបង្ខូចកិត្តិយស គ.ជ.ប ធ្វើឲ្យមានការយល់ច្រឡំ បំភ័ន្តសាធារណៈមតិទិសដៅធ្វើឲ្យអាប់ឱន ឬធ្វើឲ្យមហាជនមានការសង្ស័យ ឬមិនទុកចិត្តលើស្ថាប័នរៀបចំការបោះឆ្នោត។
ប្រភព៖ភ្នំពេញប៉ុស្ដិ៍
