ក្រោយពីមន្រ្តីអតីតបក្សប្រឆាំង ចំនួន១១៨រូប ត្រូវបានកាត់សិទ្ធធ្វើនយោបាយ រយៈពេល៥ឆ្នាំ
ក្រោយពីមន្រ្តីអតីតបក្សប្រឆាំង ចំនួន១១៨រូប ត្រូវបានកាត់សិទ្ធធ្វើនយោបាយ រយៈពេល៥ឆ្នាំ ពួកគេបានចេញដំណើរទៅក្រៅប្រទេស ជាបន្តបន្ទាប់ ក្រោមហេតុផល ខ្លាចមានការចាប់ឃុំខ្លួន លោកហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២០ ខែធ្នូ ឆ្នាំ២០១៧នេះ បានអះអាង ដោយមិនរាប់បញ្ចូល លោក សម រង្ស៊ី ថា កម្ពុជាមិនបានបណ្ដេញ អតីតមន្រ្តីបក្សប្រឆាំងទាំងនោះ ចេញទៅក្រៅប្រទេសនោះទេ ហើយក៏មិនបានហាមឃាត់ មិនឲ្យចូលកម្ពុជានោះដែរ ខណៈពួកគេត្រូវបានហាមឃាត់ សិទ្ធធ្វើនយោបាយ តែគ្មានការចាប់ឃុំខ្លួន ដាក់ពន្ធនាគារនោះទេ។សូមរំលឹកថាតុលាការកំពូល កាលពីថ្ងៃទី១៦ ខែវិច្ឆិកា ឆ្នាំ២០១៧ បានចេញសាលដីកាសម្រេចរំលាយគណបក្សសង្គ្រោះជាតិ និង ផ្អាកសកម្មភាពនយោបាយរបស់បុគ្គលថ្នាក់ដឹកនាំគណបក្សសង្គ្រោះជាតិ ចំនួន១១៨រូបក្នុងម្នាក់ៗរយៈពេល៥ឆ្នាំគឺជាការសម្រេចបិទផ្លូវតវ៉ា ។
ប្រភព៖សារព័ត៌មានដើមអម្ពិល
