ការផ្តាច់ជំនួយរបស់សហភាពអឺរ៉ុប មិនបានធ្វើឲ្យគណៈកម្មាធិការជាតិរៀបចំការបោះឆ្នោត(គ.ជ.ប) ជាប់គាំងនោះទេ
ការផ្តាច់ជំនួយរបស់សហភាពអឺរ៉ុប មិនបានធ្វើឲ្យគណៈកម្មាធិការជាតិរៀបចំការបោះឆ្នោត(គ.ជ.ប) ជាប់គាំងនោះទេ។ លោក ស៊ិក ប៊ុនហុក អះអាងយ៉ាងដូច្នេះ នៅពេលលោក រួមទាំងសមាជិក និងមន្ត្រីគ.ជ.បមួយចំនួនទៀត បានជួបពិភាក្សាជាមួយលោក គីម យ៉ុងហ៊ី (Kim YongHi) អគ្គលេខាធិការនៃសមាគមគណៈកម្មាធិការជាតិរៀបចំការបោះឆ្នោតពិភពលោក ដែលហៅកាន់តថា A-WEB នៅថ្ងៃទី១៩ ខែធ្នូ ឆ្នាំ២0១៧។បើតាមសេចក្ដីប្រកាសព័ត៌មានពីគ.ជ.ប ដែលចេញផ្សាយក្រោយជំនួបខាងលើចប់ លោក ស៊ិក ប៊ុនហុក បានប្រាប់លោក គីម យ៉ុងហ៊ី បែបនេះថា៖«ថ្មីៗនេះ សហភាពអឺរ៉ុប បានព្យួរជំនួយមកឲ្យគ.ជ.ប។ [ប៉ុន្តែ] គ.ជ.ប នៅតែបន្តការងារជាប្រក្រតី ហើយភាគីជាច្រើន រួមមាន ជប៉ុន ចិន កូរ៉េខាងត្បូង និងរុស្ស៊ី ហើយជាពិសេសអង្គការ JICA នៅតែបន្តជួយ គ.ជ.ប លើការងារបច្ចេកទេស និងថវិកា ដោយមិនលូកលាន់ចូលកិច្ចការផ្ទៃក្នុងរបស់គ.ជ.ប នោះទេ»។
ប្រភព៖សារព័ត៌មានថ្មីៗ
