លោកនាយករដ្ឋមន្ត្រី ហ៊ុន សែន បានថ្លែងថា រូបលោក និងមន្ត្រីទាំងអស់ មិនគួរឆ្លើយឆ្លងសារនយោបាយជាមួយបក្សប្រឆាំងទៀតទេ
លោកនាយករដ្ឋមន្ត្រី ហ៊ុន សែន បានថ្លែងកាលពីថ្ងៃម្សិលមិញថា រូបលោក និងមន្ត្រីទាំងអស់ មិនគួរឆ្លើយឆ្លងសារនយោបាយជាមួយបក្សប្រឆាំងទៀតទេ ដោយលោកហៅថ្នាក់ដឹកនាំបក្សប្រឆាំងដែលត្រូវបានរំលាយចោលនោះថា ជាក្រុមក្រៅច្បាប់។ប្រតិកម្មរបស់លោក ហ៊ុន សែន នេះកើតឡើង បន្ទាប់ពីមន្ត្រីជាន់ខ្ពស់របស់អតីតគណបក្សសង្គ្រោះជាតិ បានប្រកាសជំហរថា គណបក្សនេះ នឹងមិនបង្កើតគណបក្សថ្មីទៅចូលរួមប្រកួតការបោះឆ្នោតនៅឆ្នាំ២០១៨ខាងមុខ ទៅតាមមតិយោបល់របស់លោក ហ៊ុន សែន នោះឡើយ។មន្ត្រីជាន់ខ្ពស់អតីតបក្សប្រឆាំង លោក អេង ឆៃអ៊ាង បានសរសេរលើហ្វេសប៊ុករបស់លោកកាលពីថ្ងៃទី១៨ខែធ្នូនេះថា ការផ្តល់យោបលរបស់លោក ហ៊ុន សែន គឺដើម្បីគេចចេញពីសម្ពាធពីអន្តរជាតិតែប៉ុណ្ណោះ។
ប្រភព៖VOD
