សហភាពអឺរ៉ុប និងអង្គការមូលនិធិសកលសម្រាប់អភិរក្សធនធានធម្មជាតិ (WWF) ចុះហត្ថលេខាលើកិច្ចព្រមព្រៀងផ្ដល់មូលនិធិ ជិត៣ លានយូរ៉ូ
សហភាពអឺរ៉ុប និងអង្គការមូលនិធិសកលសម្រាប់អភិរក្សធនធានធម្មជាតិ (WWF) ចុះហត្ថលេខាលើកិច្ចព្រមព្រៀងផ្ដល់មូលនិធិ ជិត៣ លានយូរ៉ូ (ប្រហែលជាង ៣,៣ លានដុល្លារអាមេរិក) ដើម្បីការពារធនធានធម្មជាតិក្នុងប្រទេសកម្ពុជា។កិច្ចព្រមព្រៀងនេះ គ្របដណ្ដប់លើគម្រោងគាំទ្រការគ្រប់គ្រងដោយចិរភាព នៃធនធានព្រៃឈើដ៏សម្បូរបែបក្នុងខេត្តមណ្ឌលគិរី ដែលមានរយៈពេល ៥ឆ្នាំ គិតចាប់ពីឆ្នាំ២០១៨ ដល់ឆ្នាំ២០២២។ គម្រោងនេះ មានឈ្មោះថា គម្រោង «បង្កើនសមត្ថភាពអង្គការសង្គមស៊ីវិល ដើម្បីធានានូវដំណោះស្រាយនិរន្តរភាព ឬហៅកាត់ថា ACCESS» ។ គោលបំណងនៃគម្រោងនេះ គឺដើម្បីពង្រឹងតួនាទី និងការចូលរួមរបស់សហគមន៍ដែលពឹងផ្អែកលើព្រៃឈើនៅកម្ពុជា ក្នុងការអភិវឌ្ឍអភិបាលកិច្ចល្អ រៀបចំកិច្ចពិភាក្សាគោលនយោបាយប្រកបដោយការចូលរួម និងការអភិរក្សធនធានធម្មជាតិក្នុងខេត្តមណ្ឌលគិរី។
ប្រភព៖RFA
