តុលាការកំពូល កំពុងពិនិត្យមើលពាក្យបណ្ដឹងសើរើរបស់តំណាងរាស្ត្រគណបក្សសង្គ្រោះជាតិ
តុលាការកំពូល កំពុងពិនិត្យមើលពាក្យបណ្ដឹងសើរើថ្មីមួយទៀតរបស់តំណាងរាស្ត្រគណបក្សសង្គ្រោះជាតិ លោក អ៊ូ ច័ន្ទរ័ត្ន ដែលប្រឆាំងនឹងសេចក្ដីសម្រេចរបស់តុលាការកំពូល ដែលមិនលើកយកសំណុំរឿងករណីរំលាយគណបក្សសង្គ្រោះជាតិ មកជម្រះជាថ្មី។មេធាវីរបស់លោក អ៊ូ ច័ន្ទរ័ត្ន គឺលោក ផែង ហេង បានយកបណ្ដឹងសើរើថ្មីនេះទៅដាក់នៅតុលាការកំពូល កាលពីថ្ងៃទី២៨ ខែធ្នូ ដើម្បីប្ដឹងតវ៉ាលើដីកាសម្រេចរបស់តុលាការនេះ កាលពីថ្ងៃទី១៣ ខែធ្នូ ដែលច្រានចោលបណ្ដឹងលោក អ៊ូ ច័ន្ទរ័ត្ន សុំឱ្យជំនុំជម្រះសាជាថ្មីលើសំណុំរឿងពាក់ព័ន្ធនឹងការរំលាយគណបក្សសង្គ្រោះជាតិ ការសុំឱ្យចេញរក្សាការពារតំណែងសមាជិកក្រុមប្រឹក្សា រាជធានី-ខេត្ត ក្រុង-ស្រុក-ខណ្ឌ និងឃុំ-សង្កាត់ និងបណ្ដឹងទាមទារសិទ្ធិធ្វើនយោបាយរបស់មន្ត្រីគណបក្សប្រឆាំងចំនួន ១១៨នាក់ឡើងវិញ។
ប្រភព៖RFA
