ចិន និងជប៉ុន នៅជាមួយកម្ពុជាជានិច្ចដើម្បីជួយដល់ដំណើរការរៀបចំការបោះឆ្នោតព្រឹទ្ធសភា និងជ្រើសតាំងតំណាងរាស្ត្រ នីតិកាលទី៦ នាឆ្នាំ២០១៨ ខាងមុខ
ចិន និងជប៉ុន នៅជាមួយកម្ពុជាជានិច្ចដើម្បីជួយដល់ដំណើរការរៀបចំការបោះឆ្នោតព្រឹទ្ធសភា និងជ្រើសតាំងតំណាងរាស្ត្រ នីតិកាលទី៦ នាឆ្នាំ២០១៨ ខាងមុខ។ ជប៉ុនទើបតែបានផ្ដល់ប្រាក់ចំនួន៧លាន២សែនដុល្លារអាមេរិកដល់គណៈកម្មាធិការជាតិរៀបចំការបោះឆ្នោត (គ.ជ.ប) ចំណែកឯចិន បានផ្ដល់សម្ភារបច្ចេកទេសការិយាល័យចំនួន៣០មុខដល់ គ.ជ.ប ដូចគ្នា។ការបោះឆ្នោតជ្រើសតាំងតំណាងរាស្ត្រ នីតិកាលទី៦ កាន់តែខិតជិតមកដល់ សម្ភារបច្ចេកទេសមួយចំនួនដែល គ.ជ.ប ស្នើសុំចិន ត្រូវបានស្ថានទូតនៃសាធារណៈរដ្ឋចិន បញ្ជូនមកឲ្យកម្ពុជាបណ្ដើរៗហើយ។ នេះបើតាមលោកសោម សូរីដា អគ្គលេខាធិការរង នៃគណៈកម្មាការជាតិរៀបចំការបោះឆ្នោត (គ.ជ.ប)។ សម្ភារដែលត្រូវការចាំបាច់ទាំងនោះភាគច្រើនជាសម្ភារការិយាល័យសរុបមានចំនួន៣០មុខ។លោក សោម សូរីដា បានអះអាងថា គ.ជ.ប នៅមិនទាន់អាចបង្ហាញពីតម្លៃសរុប នៃសម្ភារដែលចិនផ្ដល់ឲ្យបានទេ ព្រោះនៅមានសម្ភារ និងជំនួយជាច្រើនទៀតដែលចិនគ្រោងនឹងជួយដល់ការបោះឆ្នោតនៅកម្ពុជា។
ប្រភព៖សារព័ត៌មានថ្មីៗ
.jpg)