គណបក្សប្រជាជនកម្ពុជានឹងរៀបចំពិធីអបអរសាទរនៅថ្ងៃទី ៧ ខែមករាឆ្នាំនេះដើម្បីរំឭក «ទិវាជ័យជម្នះលើរបបប្រល័យពូជសាសន៍» នៅឯកោះពេជ្រក្នុងរាជធានីភ្នំពេញ
គណបក្សប្រជាជនកម្ពុជានឹងរៀបចំពិធីអបអរសាទរនៅថ្ងៃទី ៧ ខែមករាឆ្នាំនេះដើម្បីរំឭក «ទិវាជ័យជម្នះលើរបបប្រល័យពូជសាសន៍» នៅឯកោះពេជ្រក្នុងរាជធានីភ្នំពេញដែលជាថ្ងៃឈប់សម្រាកមួយរបស់កម្ពុជាបើទោះបីជាពេលនេះពុំមានវត្តមានរបស់គណបក្សប្រឆាំងលើកឡើងពីបញ្ហានេះក្តី។ថ្ងៃបុណ្យជាតិមួយនេះគឺមានភាពចម្រូងចម្រាសយ៉ាងខ្លាំងនៅក្នុងសារនយោបាយរបស់ប្រទេសកម្ពុជាជាមួយគណបក្សកាន់អំណាចដែលបានលើកឡើងថាជាថ្ងៃរំដោះពីរបបប្រល័យពូជសាសន៍ខ្មែរក្រហមជាមួយក្រុមដទៃទៀតរួមទាំងអតីតគណបក្សសង្គ្រោះជាតិផងដែរ ដែលពួកគេចងចាំថាវាជាការចាប់ផ្ដើមនៃការកាន់កាប់របស់វៀតណាមអស់រយៈពេលមួយទសវត្សរ៍។កាលពីម្សិលមិញអភិបាលរាជធានីភ្នំពេញលោក ឃួង ស្រេង បានថ្លែងថា ព្រឹត្តិការណ៍នេះនឹងត្រូវប្រារព្ធធ្វើនៅកោះពេជ្រហើយនឹងមានអ្នកចូលរួមប្រមាណ ៤ ម៉ឺននាក់ដោយពិធីនេះនឹងប្រារព្ធឲ្យធំចេញពីការប្រារព្ធតាមទម្លាប់ដែលមានមនុស្សចូលរួមតែប្រមាណ ២-៣ ពាន់នាក់ហើយតែងតែបានធ្វើឡើងនៅឯការិយាល័យកណ្តាលរបស់គណបក្សប្រជាជន។
ប្រភព៖ភ្នំពេញប៉ុស្ដិ៍
