គណបក្សនយោបាយមួយចំនួន ចូលរួមរំឭកដល់ថ្ងៃ ៧ មករា
គណបក្សនយោបាយមួយចំនួន ចូលរួមរំឭកដល់ថ្ងៃ ៧ មករា ប៉ុន្តែ គណបក្សនយោបាយមួយចំនួនទៀត នៅតែចាត់ទុកកាលបរិច្ឆេទមួយនេះ ជាការឈ្លានពានពីសំណាក់ប្រទេសជិតខាង មកលើប្រទេសកម្ពុជា។ជាស្វ័យប្រវត្តិ គណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន បានរៀបចំពិធីរំឭកខួបថ្ងៃ ៧ មករា ដែលបក្សនេះចាត់ទុកជាថ្ងៃជ័យជម្នះ និងរំដោះប្រទេសកម្ពុជា រួចផុតពីរបបកម្ពុជាប្រជាធិបតេយ្យ ឬខ្មែរក្រហម។ ក្រៅពីហៅថា «ថ្ងៃជ័យជម្នះ»ហើយនោះ បក្សកាន់អំណាចមួយនេះ បានហៅថ្ងៃនេះថា «ជាថ្ងៃកំណើតទី២របស់ប្រជាជនកម្ពុជា»ផងដែរ។ក្រៅពីគណបក្សប្រជាជនកម្ពុជា គណបក្សនយោបាយមួយចំនួនទៀត ក៏បានចូលរួមអបអរថ្ងៃ ៧ មករានេះផងដែរ ខណៈដែលថ្ងៃប្រវត្តិសាស្ត្រមួយនេះ បានកន្លងផុតទៅ ៣៩ឆ្នាំហើយ។
ប្រភព៖VOD
