ក្រសួងមហាផ្ទៃ ព្រមានប្ដឹងបង្កកទ្រព្យសម្បត្តិអតីតមន្ត្រីគណបក្សសង្គ្រោះជាតិ ១១៨នាក់
ក្រសួងមហាផ្ទៃ ព្រមានប្ដឹងបង្កកទ្រព្យសម្បត្តិអតីតមន្ត្រីគណបក្សសង្គ្រោះជាតិ ១១៨នាក់ ដែលនៅបន្តសកម្មភាពនយោបាយ ផ្ទុយពីដីកាសម្រេចរបស់តុលាការ ដែលហាមសកម្មភាពនយោបាយពួកគេ កាលពីថ្ងៃទី១៦ វិច្ឆិកា ឆ្នាំ២០១៧។អ្នកនាំពាក្យក្រសួងមហាផ្ទៃ លោក ខៀវ សុភ័គ បាននិយាយថា សមត្ថកិច្ចកំពុងតាមដាន និងប្រមូលរាល់សកម្មភាពរបស់អតីតមន្ត្រីគណបក្សសង្គ្រោះជាតិមួយចំនួន ដែលបន្តធ្វើសកម្មភាពឃោសនានៅក្រៅប្រទេស ជាលក្ខណៈនយោបាយនោះ ទុកជាភស្តុតាង ដើម្បីដាក់បន្ទុកលើពួកគេថែមទៀត។ ត្រង់ន័យនេះលោក ខៀវ សុភ័គ បានព្រមានដាក់ពាក្យបណ្ដឹងទៅលើតុលាការបន្ថែម ដើម្បីប្ដឹងបង្កកទ្រព្យសម្បតិអតីតមន្ត្រីគណបក្សសង្គ្រោះជាតិ ដែលបន្តធ្វើសកម្មភាពនយោបាយ ផ្ទុយពីសេចក្តីសម្រេចរបស់តុលាការនេះ។
ប្រភព៖ថ្មីៗ
