អ្នកនាំពាក្យគណបក្សកាន់អំណាចដែលជាមន្ត្រីជំនាញកិច្ចការនយោបាយ ចេញមុខបង្រៀនពលរដ្ឋឲ្យចេះមើលបន្លែផ្លែឈើគ្មានជាតិគីមីដោយភ្នែកទទេ
អ្នកនាំពាក្យគណបក្សកាន់អំណាចដែលជាមន្ត្រីជំនាញកិច្ចការនយោបាយ ចេញមុខបង្រៀនពលរដ្ឋឲ្យចេះមើលបន្លែផ្លែឈើគ្មានជាតិគីមីដោយភ្នែកទទេ។ ប៉ុន្តែកសិករដែលដាំបន្លែរៀងរាល់ថ្ងៃនិយាយថា ការកំណត់ត្រឹមរូបរាងខាងក្រៅរបស់បន្លែដោយភ្នែកផ្ទាល់ មិនអាចដឹងថា បន្លែផ្លែឈើណាមានជាតិគីមី និងគ្មានជាតិគីមីនោះទេ។អ្នកនាំពាក្យគណបក្សប្រជាជនកម្ពុជា លោក សុខ ឥសាន ប្រហែលនៅតែមិនទាន់ស្ងប់ចិត្តរឿងពលរដ្ឋរិះគន់នាយករដ្ឋមន្ត្រីដែលស្ដីបន្ទោសពលរដ្ឋករណីមិនចេះមើលបន្លែផ្លែឈើគ្មានជាតិគីមីដោយភ្នែកទទេ។ នៅពេលនេះ លោក សុខ ឥសាន តាំងខ្លួនជាគ្រូកសិកម្មដោយសរសេរប្រាប់ពលរដ្ឋនៅលើប្រព័ន្ធទំនាក់ទំនាក់សង្គមតេឡេក្រាមរបស់លោក ឲ្យចេះមើលបន្លែផ្លែឈើដែលមានជាតិគីមី។
ប្រភព៖RFA
