កម្ពុជាធ្លាក់ចុះ ១ ពិន្ទុលើផ្នែកសេរីភាព
ថ្វីបើមានការបង្ក្រាបផ្នែកនយោបាយដែលកំពុងទទួលបានការចាប់អារម្មណ៍ និងថ្កោលទោសពីសំណាក់អន្តរជាតិក្តីក៏ពិន្ទុផ្នែកសេរីភាពរបស់ប្រទេសកម្ពុជាក្នុងឆ្នាំ ២០១៧ ដែលទើបតែចេញផ្សាយដោយអង្គការ Freedom House បានបង្ហាញថាហាក់មិនមានការផ្លាស់ប្តូរអ្វីច្រើនខុសពីឆ្នាំមុននោះទេ។ប្រទេសកម្ពុជាដែលតែងតែត្រូវបានចាត់ចំណាត់ថ្នាក់ថាជាប្រទេស «មិនមានសេរីភាព» ជារៀងរាល់ឆ្នាំចាប់តាំងពីមានការវាយតម្លៃដែលបានចាប់ផ្តើមនៅឆ្នាំ ១៩៩៥ មកនោះគឺបានទទួលពិន្ទុសរុបតែ ៣០/១០០ ប៉ុណ្ណោះ (ពិន្ទុ ១០០ តំណាងឱ្យប្រទេសដែលមានសេរីភាពខ្លាំងបំផុត) គឺធ្លាក់ចុះតែមួយពិន្ទុប៉ុណ្ណោះពីឆ្នាំ ២០១៦។របាយការណ៍នេះបានបញ្ជាក់ថា៖ «នាយករដ្ឋមន្ត្រីកម្ពុជាលោក ហ៊ុន សែន បានធ្វើការបង្ក្រាបទាំងកំរោលទៅលើគណបក្សប្រឆាំង និងក្រុមអ្នកបំពេញវិជ្ជាជីវៈសារព័ត៌មាន ខណៈដែលគណបក្សប្រជាជនកម្ពុជាដែលកំពុងកាន់អំណាចកំពុងត្រៀមខ្លួនសម្រាប់ការបោះឆ្នោតជាតិនៅឆ្នាំ ២០១៨»។
ប្រភព៖ភ្នំពេញប៉ុស្តិ៍
https://goo.gl/R9BukY
