មន្ត្រីរដ្ឋាភិបាល៖ គ្មានឡើយ ការលាងលុយកខ្វក់របស់វិនិយោគិនចិននៅកម្ពុជា
រដ្ឋាភិបាល បដិសេធថា គ្មានករណីអ្នកវិនិយោគចិន ប្រើប្រាស់លុយកខ្វក់មកលាងសម្អាតនៅប្រទេសកម្ពុជាឡើយ។ ការបដិសេធរបស់រដ្ឋាភិបាលនេះ ធ្វើឡើងបន្ទាប់ពីសារព័ត៌មាន The New York Times របស់អាមេរិក បានចុះផ្សាយអំពីភាពមិនប្រក្រតីរបស់វិនិយោគិនចិន ដែលនាំគ្នាសម្រុកមកដាក់ទុនរកស៊ីនៅកម្ពុជា ដោយនាំយកលុយកខ្វក់ពីប្រទេសចិន។អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បាននិយាយថា«អ្នកវិនិយោគឯកជនចិន និងអ្នកវិនិយោគជាផ្លូវការជាង៩០ យើងឃើញអ្នកវិនិយោគទាំងអស់នេះ គឺពួកគេអាចយកលុយចេញមកប្រើ ល្គឹកណារដ្ឋាភិបាលចិនអនុញ្ញាត។ ទាក់ទងនឹងបញ្ហាខាងលើនេះ ប្រធានអង្គភាពប្រឆាំងអំពើពុករលួយ (ACU) លោក ឱម យ៉ិនទៀង បាននិយាយថា អង្គភាពលោក បានសហការជាមួយអង្គភាពប្រឆាំងអំពើពុករលួយចិន ដើម្បីស៊ើបអង្កេតលើករណីលំហូរសាច់ប្រាក់វិនិយោគិនចិននៅកម្ពុជា ដោយយកចិត្តទុកដាក់បំផុត ប៉ុន្តែមិនទាន់រកឃើញ ករណីអ្នកវិនិយោគចិន លាងប្រាក់កខ្វក់ឡើយ។
ប្រភព៖ថ្មីៗ
https://goo.gl/CnSZFD
