អ្នកវិភាគរិះគន់បក្សប្រជាជនដែលតែងតាំងមន្ត្រីរដ្ឋជាង១០០នាក់ជាសមាជិកជាន់ខ្ពស់
អ្នកវិភាគនយោបាយជើងចាស់រិះគន់ថា ការបញ្ចូលសមាជិកថ្មី របស់គណបក្សប្រជាជនកម្ពុជាចូលទៅក្នុងគណៈកម្មាធិការកណ្ដាលចំនួន ៣៤២នាក់ ដែលជាមន្ត្រីរាជការ គឺធ្វើឲ្យការគ្រប់គ្រងរបស់គណបក្សនេះ ក្លាយជាគណបក្សកុម្មុយនិស្តផ្ដាច់ការតែម្ដង។លោក បណ្ឌិត ឡៅ ម៉ុងហៃ រិះគន់ថា ការបញ្ចូលសមាជិកនៃគណៈកម្មាធិការកណ្ដាលរបស់គណបក្សប្រជាជនកម្ពុជានៅពេលនេះ គឺគ្រាន់តែធ្វើឲ្យគណបក្សរឹងមាំប៉ុណ្ណោះ។ លោកបន្តថាកាលណាបក្ស និងរដ្ឋមានតែមួយដូច្នេះ នឹងធ្វើឲ្យការគ្រប់គ្រងប្រទេសងាកទៅរករបបផ្ដាច់ការ។ប៉ុន្តែអ្នកនាំពាក្យ គណបក្សកាន់អំណាចឆ្លើយតបថា ការសម្រេចបញ្ចូលសមាជិកថ្មីនេះ គឺជាការសម្រេចនៃមហាសន្និបាតទាំងមូលរបស់គណបក្ស។
ប្រភព៖RFA
https://goo.gl/3FgypD
