សម្លេងម្ចាស់ឆ្នោត​កម្ពុជា

នៅម៉ោង៧៖៤០នាទីព្រឹក ថ្ងៃទី១៥ខែកញ្ញាឆ្នាំ២០១៤លោកនាយករដ្ឋមន្រ្តី​ ហ៊ុនសែន បានដឹកនាំគណៈប្រតិភូទៅចូលរួមក្នុងពិព័រណ៍អាស៊ាន-ចិនលើក ទី១១រយៈពេល៤ថ្ងៃ ដែលនឹងប្រព្រឹត្តទៅ ចាប់ពីថ្ងៃទី១៦-១៩ ខែកញ្ញា នៅក្រុងណាននីង ខេត្តក្វាងស៊ី ប្រទេសចិន។

ប្រតិភូអមដំណើរ នាព្រឹកមិញនេះ រួមមាន ៖ ទេសរដ្ឋមន្រ្តី រដ្ឋមន្រ្តីក្រសួងពាណិជ្ជកម្ម លោក ស៊ុន ចាន់ថុល, ទេសាភិបាលធនាគារជាតិ នៃកម្ពុជា លោក ជា ចាន់តូ រួមនឹងមន្រ្តីជាន់ខ្ពស់ជា ច្រើនរូបផ្សេងទៀត ។

ពិព័រណ៍អាស៊ាន-ចិន នាឆ្នាំ២០១៤នេះ ធ្វើឡើងចាប់ពីថ្ងៃទី១៦-១៩ ខែកញ្ញា ក្រោមប្រធានបទ «ការកសាងផ្លូវ តូចសមុទ្រសម្រាប់សតវត្សរ៍ទី២១»។ ពិព័រណ៍នេះ មានស្តង់ជិត ៥.០០០ស្តង់ ដែលដាក់តាំងបង្ហាញផលិតផល មកពីបណ្តា​ប្រទេស​ក្នុង​តំបន់​អាស៊ាន ក៏ដូចជាផលិតផលក្នុងប្រទេសចិនផងដែរ ក្នុងនោះកម្ពុជាមានស្តង់ប្រមាណ  ៨៨ស្តង់។ ស្តង់ទាំង ៨៨នេះ កម្ពុជាមានដាក់បង្ហាញផលិតផលអង្ករ សម្លៀកបំពាក់ ស្រាបៀរ ម្ហូបអាហារ គ្រឿស ង្ហារឹម គ្រឿងចម្លាក់ និងបង្ហាញ​ពីសេវាកម្ម​មួយ​ចំនួន​ទៀត។

បើតាមមន្រ្តីប្រតិភូមអមដំណើរលោកនាយករដ្ឋមន្រ្តី​ បានបន្តបញ្ជាក់ថា នៅក្នុងពិព័រណ៍នាខេត្តខ្វាងស៊ី ប្រទេស ចិននេះ កម្ពុជា បានកសាងពន្លាជាតិមួយ ក្រោមប្រធានបទថា «ខេត្តព្រះសីហនុ ខេត្តស្រស់ប្រិមប្រិយ នៃព្រះរាជា ណាចក្រកម្ពុជា» ដែល​នៅ​ក្នុង​ស្តង់នោះ មានការតាំងរំលេចរូបសំណាករាជសី ជានិមិត្តរូប នៃខេត្តព្រះសីហនុ ព្រម ទាំងបង្ហាញពីទេសភាពស្រស់ប្រណីត នៃតំបន់ឆ្នេរខេត្តព្រះសីហនុ រួមទាំងកំពង់ផែ តំបន់សេដ្ឋកិច្ចពិសេស និង កោះតូចធំជាច្រើនទៀត ដែលសុទ្ធជាសក្តានុពលដ៏ទាក់​ទាញ​នៅក្នុង​ខេត្តទេសចរណ៍មួយនេះ។

យោងតាមគេហទំព័រ​ដើមអំពិល។