សម្លេងម្ចាស់ឆ្នោត​កម្ពុជា

ក្រោយពីកិច្ចប្រជុំកាលពីម្សិលមិញនៅរដ្ឋសភាក្រុមការងាររបស់គណបក្សប្រជាជនដែលដឹកនាំ

ដោយ​​លោក​ ប៊ិន ឈិន និង គណ​បក្ស​សង្គ្រោះ​ជាតិ​ដែល​ដឹក​​នាំដោយលោក គួយ ប៊ុនរឿន បាន​ប្រាប់​អ្នក​កាសែត​ថា​ថ្នាក់ដឹកនាំនិង សមាជិករបស់ គជប​​ដែលត្រូវ​បានបង្កើតឡើង​ដោយសភា​ក៏ត្រូវ​តែ​អាច​​​ដកចេញបានដោយសភាដែរ ប្រសិនបើពួកគេប្រព្រឹត្ត ឬ ធ្វើអ្វីខុសច្បាប់។

លោកប៊ិន ឈិន ថ្លែងបន្តថា “ ថ្ងៃនេះយើងបានដោះស្រាយបញ្ហាជាច្រើន អំពីការដកសមាជិក គជប ។ បញ្ហា​ដកយើ​ងទុក​ឲ្យសភា​ធ្វើហើយ​នីតិ​វិធី​ដទៃ​ទៀតយើងបានសម្របសម្រួលគ្នារួចហើយ។ ការដក ប្រធាន​អនុប្រធាន គ.ជ.ប ដែលមិនធ្វើទៅតាមច្បាប់គឺថា សភាអាចបណ្តេញចេញ​ពី​ព្រោះ​គាត់​ត្រូវតែទទួលខុសត្រូវនៅចំពោះមុខ សភាព្រោះគាត់ត្រូវបានតែងតាំងដោយសភា”។លោកបន្តថា​សមាជិក គ.ជ.ប នឹង​ត្រូវដកចេញ​ពី​​តំ​ណែង​​​ដោយសភាដោយសំឡេងដាច់ខាត ឬ ៥០ បូក ១ នៃសភា។

លោក គួយ ប៊ុនរឿន បានបញ្ជាក់ដែរថា ការពិភាក្សាអំពីច្បាប់ស្តីពី គ.ជ.ប ក៏ជិតបញ្ចប់ទាំងស្រុងដែរ ការពិភាក្សានឹងត្រូវបញ្ចប់នៅសប្តាហ៍ក្រោយ ឯ​ចំណុចដែលនៅសល់ទុកឲ្យថ្នាក់ដឹកនាំកំពូលសម្រេច។

លោកបានបន្តទៀតថា៖ «យើងព្រមព្រៀងគ្នាលើចំណុចជាច្រើន ដែលមិនទាន់ឯកភាពគ្នា។ យើងត្រូវតែពិភាក្សាច្រើនជាងនេះ ពាក់ព័ន្​ធនឹងវិធី​ធ្វើ​ការងារ​ ​និងការធ្វើសេចក្តីសម្រេចរបស់ គ.ជ.ប រូបមន្ត​អ្វី​ដែល​យើង​​​យកដើម្បីបញ្ចៀសភាពជាប់គាំងនៃដំណើរការ»។

ប្រភពពី៖  www.postkhmer.com