លោក ហ៊ុន សែន គំរាមដកតំណែងអនុប្រធានទី១រដ្ឋសភារបស់លោក កឹម សុខា ជាថ្មីម្តងទៀត
2014-12-04 17:08:00 4810 Viewsនៅថ្ងៃទី០៤ ខែធ្នូ ក្នុងពិធីចែកសញ្ញាប័ត្រនៅវិទ្យាស្ថានជាតិជំនាន់ថ្មីក្នុងវិទ្យាស្ថានជាតិអប់រំ លោកនាយករដ្ឋមន្រ្តី ហ៊ុន សែន បានព្រមានជាថ្មីក្នុងការដកតំណែងអនុប្រធានទី១រដ្ឋសភារបស់លោក កឹម សុខា។ ការថ្លែងគំរាមរបស់លោក ហ៊ុន សែន លើកនេះក៏ដូចជាលើកមុន ដែលលោកចាត់ទុកថានេះ ជាការបរិហារដល់រាជរដ្ឋាភិបាល ខណៈមេដឹកនាំកំពូល នៃគណបក្សនយោបាយធំពីរ កំពុងប្រើប្រាស់វប្បធម៌សន្ទនា ដើម្បីដោះស្រាយបញ្ហានយោបាយ។
លោក ហ៊ុន សែន មានប្រសាសន៍ថា អនុប្រធានទី១រដ្ឋសភា គួរប្រយ័ត្នខ្លួន ព្រោះសមាជិកសភាភាគច្រើន ជារបស់លោកហើយសភាអាចបុកទម្លាក់លោក កឹម សុខា ពីតំណែងអនុប្រធានសភាទី១ បានដោយសំឡេងភាគច្រើន។ លោកបន្តថា គេឲ្យតំណែងអនុប្រធានសភាទី១ ដើម្បីសម្របសម្រួលកិច្ចការជាមួយតំណាងរាស្ត្រក្នុងសភា មិនមែនសម្រាប់ដើរជេរគេ ជេរឯងនោះទេ។
គួរបញ្ជាក់ផងដែរថាកាលពីថ្ងៃទី ៩ កញ្ញា កន្លងទៅ លោកហ៊ុន សែន ធ្លាប់គំរាមដកតំណែងអនុប្រធានសភាទី១ ពីលោក កឹម សុខា ម្ដងរួចទៅហើយ បន្ទាប់ពីលោក កឹម សុខា ថ្លែងទៅកាន់អ្នកគាំទ្រ ថា នឹងប្រើប្រាស់យន្តការសភា ដើម្បីដកហូតដំណែងរដ្ឋមន្ត្រីណាដែលប្រព្រឹត្តិពុករលួយ ក្នុងជួររដ្ឋាភិបាលរបស់លោក ហ៊ុន សែន៕
ប្រភពពី៖ www.rfa.org
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|