សម្លេងម្ចាស់ឆ្នោត​កម្ពុជា

ក្នុងពិធីចែកសញ្ញាបត្រដល់និស្សិតនៅខេត្តស្វាយរៀង នៅថ្ងៃច័ន្ទនេះ លោកនាយករដ្ឋមន្រ្តី ហ៊ុន សែន បានធ្វើការព្រមានដកអភ័យឯកសិទ្ធិ របស់តំណាងរាស្រ្តបក្សប្រឆាំង ទាំង៧ រួមមាន មាន លោកស្រី មូរ សុខ ហួរ បេក្ខជនតំណារាស្ត្រជាប់ឆ្នោតខេត្តបាត់ដំបង លោក ម៉ែន សុថា វរិន្ទ្រ បេក្ខជនតំណាងរាស្ត្រជាប់ឆ្នោតខេត្តកំពង់ធំ លោក ហូរ វ៉ាន់ បេក្ខជន តំណាងរាស្ត្រនៅភ្នំពេញ លោក លោក រៀល ខេមរិន្ទ្រ បេក្ខជនតំណាង រាស្ត្រគណបក្សសង្គ្រោះជាតិខេត្តស្វាយរៀង និងលោក កែវ ភីរម្យ បេក្ខ ជនតំណារាស្ត្រជាប់ឆ្នោតខេត្តក្រចេះ លោក ឡុង រី បេក្ខជនជាប់ឆ្នោត តំណាងរាស្ត្រខេត្តបន្ទាយមានជ័យ និង លោក នុត រំដួលបេក្ខជនតំណាង រាស្ត្រជាប់ឆ្នោតខេត្តកំពង់ស្ពឺ។ អ្នកទាំងតំណាងរាស្រ្តទាំង ៧រូបនេះត្រូវ បានចោទប្រកាន់ពីបទដឹកនាំធ្វើកុបកម្ម យោងតាមមាត្រា ៤៥៩នៃក្រម ព្រហ្មទណ្ឌ និងពីបទផ្តើមគំនិតបង្កហិង្សា និងញុះញង់ឲ្យប្រព្រឹត្តបទឧក្រិដ្ឋ យោងតាមមាត្រា ២៨, ២១៨ និង ៤៩៥នៃក្រមព្រហ្មទណ្ឌ។
លោកនាយករដ្ឋមន្រ្តី ហ៊ុន សែន ក៏បានអំពាវនាវឲ្យតុលាការពន្លឿន សំណុំរឿងលើតំណាងរាស្រ្ត គណបក្សសង្រ្គោះជាតិទាំង៧រូបដែលជាប់ ពាក់ព័ន្ធនឹងហិង្សានៅទីលានប្រជាធិបតេយ្យ ដោយលោកថាអ្នកទាំង៧រូប នោះនឹងមិនរួចផុតពីការជាប់ពន្ធនាគារនោះទេ។