សំណួរ៣របស់លោក ស៊ូប៊ែឌី ត្រូវបានចោទសួរ លោក ស ខេង
2015-01-22 14:20:00 4805 Viewsកាលពីរសៀលថ្ងៃ ពុធ កន្លងទៅនេះ អ្នករាយការណ៍ពិសេសអង្គការសហប្រជាជាតិ លោក សូរិយា ប្រាសាទ ស៊ូប៊ែរឌី បានលើកជាសំណួរចំនួន ៣ ចំណុចសំខាន់ៗឲ្យលោកនាយករដ្ឋមន្រ្តីស្តីទី ស ខេង បកស្រាយ។ សំណួររបស់លោក ស៊ូប៊ែរឌី ធ្វើឡើងនៅក្នុងជំនួបរវាងរូបលោក និងលោក ស ខេង នៅទីស្តីការក្រសួងមហាផ្ទៃ។
សំណួរទាំង ៣ សំខាន់ៗរបស់លោក ស៊ូប៊ែរឌី ចោទសួរទៅលោក ស ខេង នោះ គឺពាក់ព័ន្ធបញ្ហានិទណ្ឌភាព បញ្ហាកែទម្រង់ការបោះឆ្នោត និង បញ្ហាសិទ្ធិសេរីភាពនៃការធ្វើបាតុកម្មរបស់ប្រជាពលរដ្ឋ ។
ឆ្លើយតបនឹងសំណួររបស់អ្នករាយការណ៍រូបនេះ លោក ស ខេង រដ្ឋមន្រ្តីក្រសួងមហាផ្ទៃ បានអះអាងថា បញ្ហាទាំងអស់នេះ កន្លងមករដ្ឋាភិបាលកម្ពុជា បានយកចិត្តទុកដាក់ក្នុងការដោះស្រាយ ។ « បញ្ហានិទណ្ឌភាព កន្លងមករដ្ឋាភិបាល បានចាប់ជនល្មើសមកផ្តន្ទាទោសច្រើន ហើយបញ្ហាកែទម្រង់ការបោះឆ្នោត គណបក្សទាំងពីរក៏កំពុងសហការគ្នាធ្វើកិច្ចការនេះដែរ ។ ឯបញ្ហាសិទ្ធិសេរីភាពនៃការធ្វើបាតុកម្មនោះ រដ្ឋាភិបាលយើងមិនដែលហាមឃាត់នោះឡើយ តែបាតុកម្ម ត្រូវតែសុំច្បាប់ និងមានការអនុញ្ញាតពីអាជ្ញាធរជាមុនសិន » ។ នេះជាចម្លើយរបស់លោក ស ខេង ដែលស្រង់សម្តីបន្ត ដោយ លោក សាអែម សាវុធ មន្រ្តីជាន់ខ្ពស់ក្រសួងមហាផ្ទៃ ។
យ៉ាងណាក៏ដោយនៅក្នុងជំនួបនោះ លោកនាយករដ្ឋមន្រ្តីស្តីទី ក៏បានអរគុណចំពោះអនុសាសន៍ល្អៗរបស់លោក ស៊ូប៊ែរឌី កន្លងមក ក្នុងការរួមចំណែកអភិវឌ្ឍប្រទេសកម្ពុជា ឲ្យដើរតាមគន្លងប្រជាធិបតេយ្យផងដែរ៕
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|