ERA បង្ហាញលទ្ធផលវិជ្ជមានក្នុងការចុះឈ្មោះបោះឆ្នោតបែបទំនើបកម្ម
2015-02-12 15:24:00 4742 Viewsនៅព្រឹកថ្ងៃព្រហស្បតិ៏នេះគណៈកម្មការខុមហ្រ្វែល បានបង្ហាញពីភាពជោគជ័យក្នុងការចុះឈ្មោះបោះឆ្នោត បែបទំនើបកម្មតាមប្រព័ន្ធកុំព្យូទ័រ នៅក្នុងសន្និសីទសារព័ត៌មានដែលរៀបចំដោយសម្ព័ន្ធកំណែទម្រង់ការបោះឆ្នោតហៅកាត់ថា (ERA) នៅសណ្ឋាគារ អ៊ីមភើរៀលភ្នំពេញ ដើម្បីឲ្យគណបក្សឈ្នះឆ្នោតទាំងពីរទទួកយកវិធីសាស្ត្រនេះទៅអនុវត្ត នៅពេល គ.ជ.ប ថ្មី ត្រូវបានបង្កើតឡើង ។
សម្ព័ន្ធកំណែទម្រង់ការបោះឆ្នោត បានធ្វើការសាកល្បងចុះឈ្មោះបែបទំនើបកម្មនៅក្នុងខេត្តមួយចំនួនមាន រតនគិរី កំពង់ឆ្នាំង និងរាជធានីភ្នំពេញ សរុបមនុស្សចំនួន៦៥២នាក់ ។ ក្នុងការចុះឈ្មោះប្រើរយៈពេលជាមធ្យមអស់៥នាទីក្នុងម្នាក់ ។ លទ្ធផលបង្ហាញទៀតថាជាង៩៩ភាគរយ នៃអ្នកចុះឈ្មោះមិនមានឈ្មោះស្ទួន ឬទិន្នន័យស្ទួនទេ ។ ប៉ុន្តែក្នុងចំណោម៦៥២នាក់ មាន២ករណីដែលមានបញ្ហារួមមាន អ្នកសឹកក្រយ៉ៅដៃ និងអ្នកពិការដៃជាដើម ហើយសង្គមស៊ីវិលកំពុងសិក្សាពីបញ្ហានេះបន្ថែមទៀត ។ អ្នកជំនាញឲ្យដឹងថា ការចុះឈ្មោះបែបទំនើបកម្មនេះ ត្រូវបានដកបទពិសោធន៍ពីប្រទេសបង់ក្លាដេស និងហ្វីលីពីន។
លោក ធន សារាយ ប្រធានសមាគមការពារសិទ្ធិមនុស្សអាដហុក ថ្លែងថា ការរកឃើញថ្មីនៃការចុះឈ្មោះបោះឆ្នោតបែបទំនើបកម្មនេះមានភាពងាយស្រួល និងចំណាយពេលត្រឹមតែ៥នាទីប៉ុណ្ណោះ ក្នុងការចុះឈ្មោះមនុស្សម្នាក់ ។ លោកបន្តថា ជាពិសេសប្រព័ន្ធនេះអាចការពារមិនអោយមានឈ្មោះស្ទួន។មនុស្សម្នាក់អាចបោះឆ្នោតនៅច្រើនមណ្ឌលផងដែរ។ លោក ធន សារាយ បន្ថែមថាបើ គ.ជ.ប ប្រើវិធីសាស្ត្រចុះឈ្មោះបែបទំនើបកម្មនេះ នឹងត្រូវចំណាយក្នុងម្នាក់តែ១,៧ដុល្លារ ហើយត្រូវចំណាយសរុបប្រមាណ២០លានដុល្លារជាការស្រេច ។
តំណាងរាស្ត្រគណបក្សសង្គ្រោះជាតិដែលចូលរួមក្នុងកម្មវិធីនេះ លោក ហូរ វ៉ាន់ បានគាំទ្រចំពោះវិធីសាស្ត្រចុះឈ្មោះបែបទំនើបកម្មនេះ ។ តែលោកថា សង្គមស៊ីវិលគួរសិក្សាពីបញ្ហាប្រឈម និងអនុវត្តឲ្យមានប្រសិទ្ធភាពជាមុនសិន ជាពិសេសមានការចូលរួមពីគណបក្សនយោបាយ ។ ប៉ុន្តែមិនបានឃើញវត្តមានតំណាងគណបក្សប្រជាជនកម្ពុជាចូលរួមក្នុងពិធីនេះទេ ។
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|