តំណាងរាស្ត្រគណបក្សសង្គ្រោះជាតិ ត្រូវបានសន្តិសុខនៅទីស្ដីការគណៈរដ្ឋមន្ត្រីបណ្តេញចេញមិនឲ្យផ្ដល់បទសម្ភាសន៍ដល់អ្នកកាសែត
2015-07-02 15:02:00 4847 Viewsនៅព្រឹកថ្ងៃព្រហស្បតិ៍នេះ បន្ទាប់ពីសន្និសិទ សារព័ត៌មានមួយ ដោយបានដាក់បង្ហាញផែនទីផ្លូវការ ដែលរាជរដ្ឋាភិបាលកម្ពុជាបាននិងកំពុងប្រើប្រាស់ក្នុងការងារខណ្ឌសីម៉ា និងបោះបង្គោលព្រំដែនគោកជាមួយវៀតណាម។
ក៏មានតំណាងរាស្ត្រគណបក្សសង្គ្រោះជាតិ ចូលរួមចំនួន២រូបផងដែរ ក្រោយពីមានការសួរដេញដោល និងជជែកគ្នាតឹងសរសៃក រវាងតំណាងរាស្ត្រគណបក្សប្រឆាំង និងលោក វ៉ា គឹមហុង អ្នកនាំពាក្យអង្គភាពព័ត៌មាន និងប្រតិកម្មរហ័សនៃទីស្ដីការគណៈរដ្ឋមន្ត្រី លោក ទិត សុធា ដែលជាអ្នកសម្របសម្រួល បានប្រកាសបិទសន្និសីទសារព័ត៌មាន។
ក្នុងខណៈនោះដែរ សន្តិសុខនៅទីស្ដីការគណៈរដ្ឋមន្ត្រីបានបណ្ដេញតំណាងរាស្ត្រគណបក្សសង្គ្រោះជាតិ លោក អ៊ុំ សំអាន និងលោក រៀល ខេមរិន្ទ្រ មិនឲ្យផ្ដល់បទសម្ភាសន៍ដល់ក្រុមអ្នកសារព័ត៌មាន ក្នុងបរិវេណទីស្ដីការគណៈរដ្ឋមន្ត្រីដោយអះអាងថា ជាតួនាទីនៃការ រក្សាសន្តិសុខ និងដល់ម៉ោងសម្រាក មិនមានអ្នកនៅការពារសន្តិសុខ លោក អ៊ុំ សំអាន ទង្វើនេះជាការរំលោភលើសិទ្ធិរបស់លោកជាតំណាងរាស្ត្រក្នុងការបញ្ចេញមតិ ក៏ដូចជាផ្ដល់ព័ត៌មានទៅឲ្យអ្នកសារព័ត៌មាន។
គួរបញ្ជាក់ថាកាលពីថ្ងៃពុធ ម្សិលមិញនេះ លោក ឈាង វុន តំណាងរាស្ត្រគណបក្សប្រជាជនកម្ពុជា និងជាអ្នកនាំពាក្យរដ្ឋសភា បានបណ្តេញលោក អ៊ុំ សំអាន ដែលជាតំណាងរាស្ត្របក្សប្រឆាំង ចេញពីសភាមិនឲ្យផ្តល់សម្ភាសន៍ដល់អ្នកកាសែតពាក់ព័ន្ធនឹងច្បាប់សង្គមស៊ីវិលម្ដងហើយ ។ លោក ឈាង វុន បានដេញឲ្យលោក អ៊ុំ សំអាន ចេញទៅផ្ដល់បទសម្ភាសន៍នៅក្រៅបរិវេណរដ្ឋសភា ដោយលើកឡើងថា ត្រូវស្នើសុំការអនុញ្ញាតពីប្រធានរដ្ឋសភាជាមុនសិន៕
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|