Cambodian Voter's Voice

សមាជិកព្រឹទ្ធសភាគណបក្ស សម រង្ស៊ី ធ្វើពហិការមិនចូលរួមប្រជុំដកអភ័យឯកសិទ្ធិ លោក ហុង សុខហួរ

2015-08-18 16:42:00 4827 Views

កាលពីថ្ងៃទី១៧ សីហា ម្សិលមិញ សមាជិកព្រឹទ្ធសភាមកពីគណបក្ស សម រង្ស៊ី ធ្វើពហិការមិនចូលរួមប្រជុំទេ។ ការសម្រេចប្រជុំដកអភ័យឯកសិទ្ធិសមាជិកព្រឹទ្ធសភាមកពីបក្សប្រឆាំង ដោយសំឡេង ៤៧ លើ ៤៧ នៃសមាជិកព្រឹទ្ធសភាមកពីគណបក្សប្រជាជនកម្ពុជា ហើយការសម្រេចនេះ ធ្វើឡើងតាមការស្នើសុំរបស់សមត្ថកិច្ច។កាលពីថ្ងៃទី១៦ សីហា តុលាការក្រុងភ្នំពេញ សម្រេចចោទប្រកាន់ លោក ហុង សុខហួរ ចំនួន ៣ករណី គឺបទក្លែងឯកសារសាធារណៈ ប្រើប្រាស់ឯកសារក្លែងក្លាយ និងបទញុះញង់បង្កឲ្យមានភាពចលាចលក្នុងសង្គម ហើយតុលាការសម្រេចបញ្ជូន លោក ហុង សុខហួរ ទៅឃុំខ្លួនជាបណ្ដោះអាសន្ននៅពន្ធនាគារព្រៃស៕