Cambodian Voter's Voice

សកម្មជនដីធ្លី ៣ នាក់ត្រូវកាត់ឲ្យជាប់ពន្ធនាគារម្នាក់៥ឆ្នាំ

2015-09-30 10:08:00 4820 Views

សាលាដំបូងខេត្តស្វាយរៀងបានសម្រេចផ្តន្ទាទោសសកម្មជនដីធ្លី ៣ នាក់ឲ្យជាប់ពន្ធនាគារក្នុងម្នាក់ៗ ៥ ឆ្នាំក្រោមការចោទប្រកាន់ពីបទកាប់រានដីព្រៃតាមបណ្តឹងរបស់ រដ្ឋបាលព្រៃឈើដែលប្តឹងតាំងពីឆ្នាំ ២០១២ ខណៈដែលប្រជាពលរដ្ឋនៅក្នុងជម្លោះនេះបានអះអាងថាអាជ្ញាធរពាក់ព័ន្ធ បានឃុបឃិតគ្នារំលោភយកដីរបស់ពួកគាត់ទៅលក់ឲ្យឈ្មួញ។លោកស្រី សម សុគន្ធា មេធាវីការពារក្តីឲ្យអ្នកភូមិបានឲ្យដឹងថា កាលពី ម្សិលមិញ តុលាការចោទកូនក្តីលោកស្រីពីបទកាប់រានដីព្រៃតាមមាត្រា ៩៧ នៃច្បាប់ព្រៃឈើ សកម្មជនដីធ្លីទាំង ៣ នាក់មានឈ្មោះ សួន ហុងលី អាយុ ៤២ ឆ្នាំ សួន ហោ អាយុ ៣៩ ឆ្នាំជាសកម្មជនដីធ្លី និងឈ្មោះ សួន សីហា អាយុ ៣១ ឆ្នាំជាប្រធានសហគមន៍អណ្តូងត្របែកស្ថិតនៅក្នុងឃុំអណ្តូងត្របែក ស្រុករមាសហែក ខេត្តស្វាយរៀង។