Cambodian Voter's Voice

មេដឹកនាំបក្សប្រឆាំងបង្ហាញទស្សនៈខុសគ្នាពីយន្តការឆ្ពោះទៅប្តូរមេដឹកនាំក្រោយការបោះឆ្នោត

2015-10-09 16:17:00 4774 Views

មេដឹកនាំគណបក្សសង្គ្រោះជាតិ បង្ហាញជំហរខុសគ្នាពីយុទ្ធសាស្ត្រនយោបាយ យកប្រៀបលើគណបក្សប្រជាជនកម្ពុជា ដើម្បីឈានទៅផ្លាស់ប្តូរមេដឹកនាំប្រទេស តាមយន្តការប្រជាធិបតេយ្យនាពេលខាងមុខ។ការបោះឆ្នោតក្រុមប្រឹក្សាឃុំសង្កាត់នឹងឈានមកដល់ នៅឆ្នាំ២០១៧ ហើយការបោះឆ្នោតជាតិសម្រាប់ផ្លាស់ប្តូរតំណែងនាយករដ្ឋមន្ត្រី នឹងធ្វើឡើងនៅឆ្នាំ២០១៨ខាងមុខ។លោក កឹម សុខា អនុប្រធានគណបក្សសង្គ្រោះជាតិ កាលរពីថ្ងៃទី៨ ខែតុលាម្សិលមិញ បានក្រើនរំឭកសកម្មជនរបស់ខ្លួននៅខេត្តកំពង់ចាម ម្តងទៀតថា បញ្ហាចាក់ស្រែះ ក្នុងសង្គមបច្ចុប្បន្ននេះ ត្រូវប្រជាពលរដ្ឋដឹងគ្រប់គ្នាអស់ហើយ។ នៅពេលថ្មីនេះ ប្រធានគណបក្សសង្គ្រោះជាតិ លោក សម រង្ស៊ី ធ្លាប់រិះគន់ប្រព័ន្ធយុត្តិធម៌នៅកម្ពុជាថាមិនឯករាជ្យ រិះគន់ឧកញ៉ាមួយចំនួនថាបានចាប់យកដីខុសច្បាប់ និងរិះគន់ប្រព័ន្ធអប់រំនៅកម្ពុជា ថានៅមានគុណភាពទាបជាដើម។