សម្លេងម្ចាស់ឆ្នោត​កម្ពុជា

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា មានព្រះបន្ទូលថា កិច្ចខិតខំប្រឹងប្រែង រួមគ្នារវាងសភា និងរាជរដ្ឋាភិបាល បានធានាស្ថិរភាពនយោបាយ និងសង្គមជាមួយនឹង ការគ្រប់គ្រងសេដ្ឋកិច្ចបានយ៉ាងល្អ។នេះជាព្រះរាជសារ របស់ព្រះអង្គ ក្នុងសម័យប្រជុំ រដ្ឋសភាលើកទី៥ នីតិកាលទី៥ នៅព្រឹកថ្ងៃទី២០ ខែតុលា ឆ្នាំ២០១៥នេះ ។ក្នុងព្រះរាជសារបានលើកឡើងទៀតថា កិច្ចប្រឹងប្រែងនេះ ប្រកបដោយភាពត្រឹមត្រូវ និងមានភាពជឿនលឿន បានធ្វើឲ្យកម្ពុជាអាចសម្រេចបានអត្រាខ្ពស់ប្រកបដោយចីរភាពនៃកំណើនសេដ្ឋកិច្ច និងការកាត់បន្ថយភាពក្រីក្រ ក្នុងរយៈពេលជាងមួយទស្សវត្សរ៍ចុងក្រោយនេះ។