សម្លេងម្ចាស់ឆ្នោត​កម្ពុជា

លោក កឹម សុខា អនុប្រធាន គណបក្សសង្រ្គោះជាតិ បានចាត់ទុកការវាយបក ដោយថ្នាក់ដឹកនាំ គណបក្សប្រជាជនកម្ពុជា ទៅលើគណបក្សសង្រ្គោះជាតិ នាថ្មីៗនេះថា បណ្តាលមកពីគណបក្សកាន់អំណាច កំពុងភ័យខ្លាចចាញ់ក្នុងការបោះឆ្នោតជាតិ នៅអាណត្តិក្រោយនេះ។លោក កឹម សុខា ប្រធានស្តីទីគណបក្សសង្រ្គោះជាតិ បានលើកឡើងបែបនេះ ប្រាប់អ្នកសារព័ត៌មានក្រោយកិច្ចប្រជុំរដ្ឋសភា នៅថ្ងៃទី២០ ខែតុលា ឆ្នាំ២០១៥នេះ បន្ទាប់ពីអ្នកនាំពាក្យរបស់លោក ត្រូវបានព្រមានយ៉ាងចាស់ដៃនៅក្នុងរដ្ឋសភា ព្រោះតែចេញវីដេអូការពារការថ្លែងរបស់ លោក សម រង្ស៊ី ដែលរិះគន់បែបវាយប្រហារលើប្រព័ន្ធអប់រំនៅក្នុងស្រុក។