Cambodian Voter's Voice

លោកនាយករដ្ឋមន្ត្រី ៖ អង្គការសហប្រជាជាតិមិនអាចបញ្ចប់សង្គ្រាមនៅកម្ពុជា

2015-10-20 15:38:00 4788 Views

លោកនាយករដ្ឋមន្ត្រី ហ៊ុន សែន អះអាងថាភ្នាក់ងាររបស់អង្គការសហប្រជាជាតិមិនបាន ផ្តល់សន្តិភាពដល់កម្ពុជាដូចដែលសន្ធិសញ្ញាទីក្រុងប៉ារីសថ្ងៃទី២៣ ខែតុលា ឆ្នាំ១៩៩១ ចង់បាននោះទេ ដោយលោកបញ្ជាក់ថា គោលនយោបាយឈ្នះៗរបស់រដ្ឋាភិបាលកម្ពុជាវិញទេជាអ្នកនាំសន្តិភាព ពេញលេញជូនប្រជាពលរដ្ឋកម្ពុជា។ក្នុងកិច្ចប្រជុំរដ្ឋសភា នីតិកាលទី៥ នៅព្រឹកថ្ងៃទី២០ ខែតុលា ឆ្នាំ២០១៥ នេះ លោកនាយករដ្ឋមន្ត្រី ហ៊ុន សែន មានប្រសាសន៍ថាក្រោយពីមានកិច្ចខិតខំប្រឹងប្រែងរបស់លោកក្នុងការ ជួបចរចាជាមួយសម្តេចនរោត្តម សីហនុនិងក្រុមខ្មែរដទៃទៀតក្រោមការជួយជ្រោមជ្រែងពីអន្តរជាតិ ភាគីជម្លោះក៏បានឯកភាពចុះកិច្ចព្រមព្រៀងសន្តិភាពទីក្រុងបារីស ថ្ងៃទី២៣ ខែតុលា ឆ្នាំ១៩៩១។