Cambodian Voter's Voice

ប្រជាពលរដ្ឋខ្មែរនៅប្រទេសបារាំង គ្រោងធ្វើបាតុកម្មដ៏ធំមួយនៅថ្ងៃទី២៣ខែតុលាខាងមុខនេះ

2015-10-20 15:47:00 4801 Views

តាមប្រភពបបានឲ្យដឹងថាប្រជាពលរដ្ឋខ្មែរនៅប្រទេសបារាំង គ្រោងធ្វើបាតុកម្មដ៏ធំមួយនៅថ្ងៃទី២៣ខែតុលា នៅចុងសប្ដាហ៍នេះ ដើម្បីបង្ហាញការព្រួយបារម្ភរបស់ពួកគេទៅលើសកម្មភាពរបស់រដ្ឋាភិបាលលោក នាយករដ្ឋមន្ត្រី ហ៊ុន សែន ដែលពួកគេចោទថាបានរំលោភសិទ្ធិសេរីភាពនិងលទ្ធិប្រជាធិបតេយ្យនិងធ្វើឲ្យ បាត់បង់ទឹកដីកម្ពុជា ទៅលើប្រទេសវៀតណាម តាមរយៈកិច្ចព្រមព្រៀងមួយចំនួន។កិច្ចព្រមព្រៀងសន្តិភាពទីក្រុង ប៉ារីសថ្ងៃទី២៣ តុលា ឆ្នាំ១៩៩១ ត្រូវបានចុះហត្ថលេខាដោយប្រទេសចំនួន២០ ក្នុងនោះក៏មានសហភាពសូវៀត សហរដ្ឋអាមេរិក ចិន វៀតណាម ថៃ និងឡាវ ដែលមានព្រំប្រទល់ជាប់កម្ពុជា។ក្នុងកិច្ចព្រមព្រៀងនេះ បានតម្រូវឲ្យមានការបោះឆ្នោតសកលដោយសេរីនិងយុត្តិធម៌ ការធ្វើមាតុភូមិនិវត្តន៍របស់ជនភៀសខ្លួនកម្ពុជានៅតាមព្រំដែនថៃ ការដកកងទ័ពវៀតណាមទាំងអស់ចេញពីកម្ពុជា បញ្ឈប់ការបាញ់គ្នានិងឈប់ទទួលយកជំនួយផ្នែកយោធាពីបរទេស ត្រូវគោរពសិទ្ធិមនុស្សនិងដោះលែងអ្នកទោសនយោបាយជាដើម៕