សម្លេងម្ចាស់ឆ្នោត​កម្ពុជា

លោក កឹម សុខា ប្រធានស្តីទី គណបក្សសង្រ្គោះជាតិ បានថ្លែងបញ្ជាក់កាលពីព្រឹកថ្ងៃអាទិត្យ ទី២៥ ខែតុលា ឆ្នាំ២០១៥ម្សិលមិញថា យុវជនទូទាំងប្រទេស បានតួនាទីយ៉ាងសំខាន់ សម្រាប់ជួយសង្គម ប៉ុន្តែចំណុចសំខាន់នោះ យុវជនគឺជាគ្រឹះ និងជាតួអង្គសំខាន់ក្នុងការធ្វើជា ក្បាលម៉ាស៊ីនដឹកនាំបក្សផងដែរ។លោក កឹម សុខាបានមានប្រសាសន៍ បែបនេះក្នុងសិក្ខាសាលាស្ដីពី “ការពង្រឹងឯករាជ្យ និងវិមជ្ឈការចលនាយុវជន គណបក្សសង្គ្រោះជាតិ” ដែលរៀបចំដោយ មូលនិធិខុនរ៉ាដ អាឌីននៅអ៊ែរស្ទីវហ្វុង(The Konrad-Adenauer-Stiftung (KAS)) ប្រចាំនៅកម្ពុជា នៅសណ្ឋាគារ រ៉ាហ្វលលើរ៉ូយ៉ាល់RAFFLES HOTEL LE ROYAL )។