Cambodian Voter's Voice

លោកហ៊ុន សែន ព្រលយពីការបាត់តំណែងរបស់ លោក កឹម សុខា ទន្ទឹមនឹងមានបាតុកម្មនៅភ្នំពេញ

2015-10-26 16:59:00 4822 Views

ប្រជាពលរដ្ឋប្រមាណជាង២០០០នាក់ បានធ្វើបាតុកម្មមួយនៅខាងមុខរដ្ឋសភាជាតិ ដើម្បីទាមទារឲ្យរដ្ឋសភាជាតិបោះឆ្នោតទម្លាក់ ឬទាមទារឲ្យលោកកឹម សុខា ចុះចេញពីតំណែងអនុប្រធានរដ្ឋសភាតែម្តង។ ក្នុងឱកាសនៃការទាមទារនោះ ក្រុមបាតុករបានរៀបចំញ្ញតិ្តមួយដាក់ទៅកាន់រដ្ឋសភាជាតិ ដោយស្នើឲ្យប្រធានសភាលោក ហេង សំរិន និងតំណាងរាស្ត្រដកលោក កឹម សុខា ចេញពីតំណែងអនុប្រធានរដ្ឋសភាជាបន្ទាន់។ការទាមទារដកលោក កឹម សុខា នេះត្រូវបានតំណាងប្រជាពលរដ្ឋអះអាងក្នុងញ្ញតិ្តថា លោកកឹម សុខា ធ្វើសកម្មភាពឃោសនា ញុះញង់ បំបែកបំបាក់ បង្កអស្ថិរភាព ដែលសកម្មភាពទាំងអស់នេះមិនសមធ្វើជាថ្នាក់ដឹកនាំស្ថាប័នទេ។ បាតុកម្មដែលមានការដឹកនាំដោយក្រុមយុវជនមួយចំនួន ដែលមាននិន្នាការគាំទ្ររដ្ឋាភិបាលនោះ ត្រូវបានប៉ូលិសចរាចរណ៍ជួយអន្តរាគមសម្រួលចរាចរណ៍ និងមិនមានវត្តមានក្រុមអន្តរាគមន៍បង្រ្កាបបាតុកម្មទេ។