Cambodian Voter's Voice

លោកហ៊ុន សែន ទាមទាឲ្យលោកសម រង្សីសុំទោសជាសាធារណៈដើម្បីបញ្ចប់ជម្លោះនយោបាយ

2015-10-27 10:37:00 4752 Views

លោកនាយករដ្ឋមន្ត្រីហ៊ុន សែន បានប្រាប់ប្រជាពលរដ្ឋខ្មែរនៅប្រទេសបារាំងថា គណបក្សសង្គ្រោះជាតិ គឺមានគំនិតនិងផែនការមិនស្មោះត្រង់ ដោយមានបំណងព្យាបាទលោក។ លោកថា ចំពោះមេបក្សប្រឆាំង លោកសម រង្សី គឺត្រូវធ្វើការសុំទោសលោកជាសាធារណៈ ចំពោះទង្វើដែលខ្លួនបានប្រព្រឹត្តមកលើរូបលោក ដើម្បីធ្វើឲ្យទំនាក់ទំនងនយោបាយ អាចឈានមករកភាពប្រក្រតីវិញបាន។ កាថ្លែងរបស់លោកហ៊ុន សែនបែបនេះ បានធ្វើឡើងនៅក្នុងពិធីជួបសំណេះសំណាលជាមួយបងប្អូនប្រជាពលរដ្ឋខ្មែរ ដែលកំពុងរស់នៅក្នុងប្រទេសបារាំង និងនិស្សិតកម្ពុជា ជាងមួយពាន់នាក់ ដែលកំពុងសិក្សានៅទីនេះ កាលពីថ្ងៃទី២៥ តុលា ឆ្នាំ២០១៥។