Cambodian Voter's Voice

លោក សម រង្ស៊ី ថារដ្ឋាភិបាលនឹងប្រើមធ្យោបាយមិនឲ្យមានការបោះឆ្នោតឆ្នាំ២០១៨

2015-11-12 10:59:00 4804 Views

លោក សម រង្ស៊ី ប្រធានគណបក្សសង្គ្រោះជាតិ អះអាងប្រាប់ក្រុមអ្នកសារព័ត៌មាននៅប្រទេសជប៉ុនថា រដ្ឋាភិបាលទីក្រុងភ្នំពេញ នឹងប្រើប្រាស់មធ្យោបាយគ្រប់ប្រភេទដើម្បីរារាំងមិនឲ្យមានការបោះឆ្នោតនៅឆ្នាំ២០១៨ ដោយសារតែព្រួយបារម្ភពីការចាញ់ឆ្នោត។នៅក្នុងសន្និសីទសារព័ត៌មានរបស់ក្លឹបអ្នកឆ្លើយឆ្លងព័ត៌មាន លោក សម រង្ស៊ី បន្តថា ក្តីបារម្ភរបស់រដ្ឋាភិបាលលោកនាយករដ្ឋមន្ត្រី ហ៊ុន សែន នេះ បន្ទាប់ពីលទ្ធផលបោះឆ្នោតបណ្ដោះអាសន្ននៅប្រទេសមីយ៉ាន់ម៉ា ឬ ភូមា បង្ហាញថា គណបក្សប្រឆាំងដែលដឹកនាំដោយអ្នកស្រី អ៊ុង សាន ស៊ូជី (Aung San Suu Kyi) បានឈ្នះឆ្នោត។លោកបន្តទៀតថា ដើម្បីអាចបង្កឧបសគ្គមិនឲ្យមានការបោះឆ្នោតនោះ រដ្ឋាភិបាលព្យាយាមបង្កើតអំពើហិង្សាដើម្បីអាចឈានទៅដល់ការធ្វើរដ្ឋប្រហារ ឬក៏ការប្រកាសអាសន្នថ្នាក់ជាតិណាមួយ។