សម្លេងម្ចាស់ឆ្នោត​កម្ពុជា

ក្រោយបញ្ចប់កិច្ចប្រជុំបន្ទាន់ របស់រដ្ឋសភា នៅព្រឹកថ្ងៃទី១៦ ខែវិច្ឆិកា ឆ្នាំ២០១៥នេះ អ្នកនាំពាក្យរដ្ឋសភា លោក ឈាង វុន បានបញ្ជាក់ប្រាប់អ្នកសារព័ត៌មានថា ការចេញដីកាចាប់ខ្លួន លោក សម រង្ស៊ី ប្រធានគណបក្សសង្រ្គោះជាតិ គឺធ្វើឡើងត្រឹមត្រូវតាមនិតីវិធីច្បាប់។ការលើកឡើងរបស់លោក ឈាង វុន បានធ្វើឡើងនៅវិមានរដ្ឋសភា បន្ទាប់ពីរដ្ឋសភាកម្ពុជា បានបើកកិច្ចប្រជុំ គណៈកម្មាធិការអចិន្រ្តៃយ៍រដ្ឋសភា ដោយក្នុងនោះ មានរបៀបវារៈមួយដោយធ្វើការពិនិត្យរបាយការណ៍ស្តីពី សំណុំរឿងពាក់ព័ន្ធនឹង ការអនុវត្តន៍ទោសទៅលើទណ្ឌិត សម រង្ស៊ី។