Cambodian Voter's Voice

មន្ត្រីជាន់ខ្ពស់គណបក្សកាន់អំណាចមួយរួបដាក់ពាក្យលាឈប់ពីបក្ស

2015-11-19 14:18:00 4752 Views

លោក ជា ចំរើន បានដាក់ពាក្យជូនលោកនាយករដ្ឋមន្ត្រី ហ៊ុន សែន ដើម្បី សុំលាឈប់ពីសមាជិកគណបក្សប្រជាជនកម្ពុជាកាលពីថ្ងៃពុធម្សិលមិញ ក្រោយពីមានបញ្ហាចម្រូងចម្រាសខ្លះផ្នែកមុខជំនួញ។នៅក្នុងលិខិតដែលដាក់ជូនលោកនាយករដ្ឋមន្ត្រី ហ៊ុន សែន នោះ លោក ជា ចំរើន បានបញ្ជាក់ថា៖«ខ្ញុំបាទបានចូលបំរើជាសមាជិកគណបក្សប្រជាជនកម្ពុជាតាំងពី ឆ្នាំ១៩៩៣ រហូតមកដល់ពេលបច្ចុប្បន្ននេះ ហើយឥឡូវខ្ញុំបាទសុំលាឈប់បំរើការងារគណបក្ស ប្រជាជនកម្ពុជាចាប់ពីពេលនេះតទៅ»។លោក ជា ចំរើន ពុំបានបញ្ជាក់លម្អិតពីមូលហេតុ ពុំបានបញ្ជាក់ពីតួនាទីក្នុងបក្ស ដែលលោកលាឈប់នោះទេ។ ថ្លែងបញ្ជាក់ប្រាប់ VOA ក្រោយពីការដាក់ពាក្យលាឈប់នេះ លោក ជា ចំរើន អះអាងពីមូលហេតុត្រួសៗថា៖«បញ្ហាទី១ ខ្ញុំចង់ធ្វើការបង្រៀនក្មេងជំនាន់ក្រោយអំពីប្រជាធិបតេយ្យ ទី១ បើខ្ញុំមានឱកាស ខ្ញុំនឹងបង្កើតគណបក្សនយោបាយមួយដោយប្រមូលផ្តុំ ក្រុមបញ្ញវ័ននិងយុវជនដើម្បីធ្វើឲ្យចំគោលដៅប្រជាធិបតេយ្យ ដូចជាការបង្ហាត់បង្រៀន ការអប់រំប្រជាពលរដ្ឋ យើងមិនចង់ឃើញទិដ្ឋភាពទូទៅ សព្វថ្ងៃរវាងបក្សទាំងពីរដែលមានអំណាចនៅឈ្លោះគ្នា មិនគិតអំពី ខ្វល់អំពីប្រជារាស្ត្រនៅតាមមូលដ្ឋានទេ ដែលគេដាច់បាយ ដាច់ទឹក ស្រែចំការ អត់មានអ្នកណាចុះទៅជួយមើលទេ»។