រដ្ឋាភិបាលសម្រេចឲ្យកាស៊ីណូរបស់លោក លី យ៉ុងផាត់ បើកសេវាភ្នាល់បាល់និងប្រជល់បក្សីកីឡា
2015-11-20 09:47:00 4768 Viewsរដ្ឋាភិបាល បានសម្រេចយល់ព្រមតាមសំណើរបស់ឧកញ៉ាលី យ៉ុងផាត់ ដែលជានាយកក្រុមហ៊ុនអិល វ៉ាយភី គ្រុប ដោយអនុញ្ញាតឲ្យបើកបន្ថែមល្បែងភ្នាល់មួយចំនួនទៀតនៅកាស៊ីណូ ក្នុងខេត្តកោះកុងនិងឧត្តរមានជ័យ ដែលក្នុងនោះមានល្បែងប្រជល់បក្សីកីឡានិងល្បែងភ្នាល់បាល់ផងដែរ។ការសម្រេចនេះធ្វើឡើងតាមសំណើរបស់លោក លី យ៉ុងផាត់ ចុះថ្ងៃទី០៤ខែកញ្ញា ឆ្នាំ២០១៥ ក្នុងការសុំគោលការណ៍អនុញ្ញាតបើកបន្ថែមល្បែង ភ្នាល់គ្រប់ប្រភេទនិងស្លុតម៉ាស៊ីន ម៉ាស៊ីនអេឡិចត្រូនិចគ្រប់ប្រភេទតាមការធ្វើអាជីវកម្មសេវាកម្ម ដោយផ្ទាល់និងតាមរយៈអ៊ិនធើណែតអនឡាញក្នុងនិងក្រៅប្រទេស ល្បែងកូនហ្គោល ល្បែងប្រណាំងសេះ ល្បែងប្រជល់បក្សកីឡា ល្បែងភ្នាល់បាល់ និងល្បែងភ្នាល់គ្រប់ប្រទេស ខារ៉ាអូខេ ម៉ាស្សា។លិខិតរបស់ទីស្តីការគណៈរដ្ឋមន្រ្តី ចុះហត្ថលេខាដោយរដ្ឋលេខាធិការទីស្តីគណៈរដ្ឋមន្រ្តី លោក ហ៊ីង ថូរ៉ាក់ស៊ី ថ្ងៃទី១៥ខែកញ្ញា ឆ្នាំ២០១៥ សរសេរថាលោក សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី គោរពជូនលោក ស ខេង រដ្ឋមន្រ្តីក្រសួងមហាផ្ទៃ និងលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច ថារដ្ឋាភិបាលយល់ព្រមតាមសណើរបស់លោក លី យ៉ុងផាត់ ក្រោយពីបានទទួលចំណារឯកភាពរបស់លោក ហ៊ុន សែន ចុះថ្ងៃទី១៤ខែកញ្ញា ឆ្នាំ២០១៥។ លិខិតបានបញ្ជាក់ថា៖ “…រាជរដ្ឋាភិបាលបានសម្រេចយល់ព្រមតាមសំណើ ហើយក្រុមហ៊ុនត្រូវរៀបចំបែបបទជាមួយក្រសួងសេដ្ឋកិច្ចនិងហិរញ្ញវត្ថុ”។ប្រភពVOD
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|