សម្លេងម្ចាស់ឆ្នោត​កម្ពុជា

លោក ជា ចំរើន​ អតីតតំណាងរាស្រ្តគណបក្សប្រជាជនកម្ពុជា បញ្ជាក់ថា ការដែលលោកឈប់ពីបក្សកាន់អំណាចទៅបង្កើតគណបក្សថ្មី ដោយអះអាងថា លោករកភាពអយុត្តិធម៌ច្រើនពេកតាមរយៈប្រព័ន្ធតុលាការនៅកម្ពុជា ។ការអះអាងនេះ ធ្វើឡើងនៅក្នុងសន្និសីទស្តីពី ការបង្កើតគណបក្សថ្មី ដែលមានឈ្មោះថា គណបក្ស កម្ពុជា សេរីភាព កាលពីរសៀលថ្ងៃពុធ ដែលលោក ជា ចំរើន​ និងបញ្ញវ័ន្តមួយចំនួន ជាស្ថាបនិក។លោក ជា ចំរើន ដែលទើបលាឈប់គណបក្សកាន់អំណាចទៅបង្កើតគណបក្សថ្មី ថ្លែងប្រាប់អ្នកសារព័ត៌មានថា គោលដៅទី១ ដែលធ្វើឱ្យសម្រេចចិត្តចាកចេញពីបក្សប្រជាជនកម្ពុជា ដោយសារលោក​ ទទួលរងភាពអយុត្តិធម៌ពីប្រព័ន្ធតុលាការ។ លោកបន្តថា ការបង្កើតគណបក្សថ្មីនេះ ក៏ដើម្បីស្វែងរកយុត្តិធម៌ជូនសង្គម និងពង្រឹងការអប់រំលទ្ធិប្រជាធិបតេយ្យដល់ពលរដ្ឋខ្មែរ។