សម្លេងម្ចាស់ឆ្នោត​កម្ពុជា

 ក្រសួងការបរទេសកម្ពុជាប្រតិកម្មទៅនឹងស្ថាប័នសហគមន៍អន្តរជាតិមួយចំនួនដែលចេញសេចក្ដីថ្លែងការណ៍បន្តបន្ទាប់រិះគន់រាជរដ្ឋាភិបាលកម្ពុជាចំពោះករណីលោក សម រង្ស៊ី  លោក កឹម សុខានិងអ្នកតំណាងរាស្ត្រគណបក្សប្រឆាំង២រូប ដែលត្រូវបានបាតុករវាយឱ្យរងរបួស។សេចក្តីជូនដំណឹងរបស់ក្រសួងការបរទេសកម្ពុជាដែលបំភ្លឺករណីរបស់អ្នកតំណាងរាស្ត្របក្សសង្រ្គោះជាតិ  ធ្វើឡើងដោយមានការបំភ្លឺរួមគ្នាចំពោះញត្តិ​របស់សភាសហភាពអឺរ៉ុប   សេចក្តីថ្លែងការណ៍របស់តំណាងស្នង​ការសិទ្ធិមនុស្សនៅកម្ពុជា លោកស្រី Rhona Smithនិងសេចក្តីថ្លែងការណ៍ឆ្លើយតបនឹងលោក Charles Santiago សមាជិកសភាម៉ាឡេស៊ីនិងជាប្រធានអង្គការសភាអាស៊ានផ្នែកសិទ្ធិមនុស្សដែលលើកឡើងនិងព្រួយបារម្ភអំពីការស្ថានការណ៍នយោបាយនៅកម្ពុជានៅពេលចុងក្រោយនេះ។សេចក្តីជូនដំណឹងរបស់ក្រសួងការបរទេសកម្ពុជាដែលផ្សព្វផ្សាយនៅថ្ងៃទី២ ធ្នូឆ្នាំ២០១៥នេះទៅកាន់ស្ថាប័នសហគមន៍អន្តរជាតិទាំង៣នេះ មានការពន្យល់និងបកស្រាយប្រហាក់ប្រហែលគ្នា ដោយអះអាងថា ទាំងករណីលោក សម រង្ស៊ី  ករណីលោក កឹម សុខា  គឺជាការអនុលោមទៅតាមច្បាប់ប្រទេសកម្ពុជា។